Agenda a Chofnodion
Lleoliad: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Sulafa Thomas, x6227
Rhif | Eitem |
---|---|
Cyflwyniad |
|
Cyflwyniad ac ymddiheuriadau Cofnodion: Nid oedd unrhyw
ymddiheuriadau |
|
Datgan buddiannau Cofnodion: Gofynnodd Peter
Black AC a David Melding AC i’r cofnodion nodi eu bod yn ymddiriedolwyr Cynllun
Pensiwn Aelodau’r Cynulliad. |
|
Cofnodion y cyfarfod blaenorol Cofnodion: Cytunwyd ar
gofnodion y cyfarfod a gynhaliwyd ar 21 Hydref. |
|
Cynllun Pensiwn Aelodau’r Cynulliad Cofnodion: Rhoddwyd gwybodaeth i’r Comisiynwyr am y modd y mae’r Tîm Pensiynau yn
gweithredu’r newidiadau y penderfynodd y Bwrdd Taliadau eu gwneud i Gynllun
Pensiwn Aelodau'r Cynulliad, ac yn rhoi gwybod i’r Aelodau am y newidiadau hyn.
Bydd y Bwrdd Pensiynau newydd yn cynnwys: • Ymddiriedolwr Annibynnol proffesiynol, a fydd
yn cadeirio’r Bwrdd. • Dau gynrychiolydd a enwebir gan yr Aelodau
presennol ac Aelodau blaenorol. • Dau gynrychiolydd a benodir gan Gomisiwn y
Cynulliad. Bydd y Tîm Pensiynau yn trefnu bod pob aelod o'r Bwrdd Pensiynau wedi’i
benodi erbyn mis Mai 2016. Byddant yn ysgrifennu at yr holl aelodau yn gofyn
iddynt a ydynt yn dymuno sefyll fel Ymddiriedolwr a enwebir gan Aelodau, a
gofynnodd y Comisiynwyr a fyddai modd cysylltu â swyddfeydd y grwpiau hefyd. Cytunodd y Comisiynwyr y dylai'r Swyddog Cyfrifyddu, mewn ymgynghoriad â’r
Comisiynwyr, fod yn gyfrifol am nodi ac enwebu cynrychiolwyr y Comisiwn ar y
Bwrdd Pensiynau newydd. |
|
Adroddiad Dangosyddion Perfformiad Allweddol Ebrill - Medi 2015 Cofnodion: Ystyriodd y Comisiwn yr adroddiad cyntaf ar berfformiad corfforaethol y
Comisiwn yn ystod blwyddyn ariannol 2015-16. Cyfeiriodd y Comisiynwyr yn benodol at absenoldeb oherwydd salwch, nifer yr
ymwelwyr a’r nifer sy’n cymryd rhan mewn DPP. Awgrymwyd hefyd y gellid
adnewyddu rhai o'r dangosyddion ac y byddai’n ddefnyddiol medru cymharu
canlyniadau dros gyfnod. Cytunodd y Comisiwn i gyhoeddi’r adroddiad, ynghyd â
llythyr i’r Pwyllgor Cyllid. Caiff yr adroddiad nesaf ei baratoi a’i gynhyrchu
ar ôl diwedd mis Mawrth 2016. |
|
Unrhyw fater arall Cofnodion: Diolchodd y Comisiynwyr i'r Dirprwy Lywydd am y gwaith roedd wedi'i wneud
ar gyllideb y Comisiwn. Trafodwyd a chytunwyd ar y materion a ganlyn, drwy
ohebiaeth, yn ystod y cyfnod cyn y cyfarfod hwn: ·
Cynigion i osod system teledu cylch cyfyng newydd ar
Ystâd y Cynulliad. Ystyriwyd hyn yn y cyfarfod ar 17 Medi ac roedd y Comisiwn
wedi cael rhagor o wybodaeth i ganiatáu iddynt ddod i gasgliad terfynol. |