Agenda a Chofnodion

1.1 Cafwyd ymddiheuriadau gan Darren Millar a Lindsay Whittle. Nid oedd unrhyw ddirprwyon.

2.1 Cytunodd y Pwyllgor i gynnal ymchwiliad polisi byr i strategaeth yn y dyfodol ar gyfer diabetes yng Nghymru yn nhymor yr hydref, i’w amserlennu o amgylch ei ymrwymiadau craffu deddfwriaethol a chyllidebol.

2.2 Cytunodd y Pwyllgor y byddai ei ymchwiliad polisi tymor hwy nesaf yn canolbwyntio ar werthusiad o dechnoleg feddygol. Cytunodd y Pwyllgor y byddai amseriad y broses o gasglu tystiolaeth lafar ar gyfer yr ymchwiliad hwn yn dibynnu ar raglen graffu ddeddfwriaethol y Pwyllgor. 

2.3 Gwnaeth y Pwyllgor gais i’r cylch gorchwyl drafft ar gyfer y ddau ymchwiliad polisi gael eu paratoi gan yr ysgrifenyddiaeth fel y gellir cynnal ymgynghoriadau cyhoeddus dros doriad yr haf.

2.4 Cytunodd y Pwyllgor i drefnu sesiwn gyda Chomisiynydd Pobl Hŷn Cymru i drafod ei adroddiad blynyddol yn nhymor yr hydref.

HSC(4)-18-12 papur 1

Gwenda Thomas AC, Dirprwy Weinidog Plant a Gwasanaethau Cymdeithasol

Steve Milsom, Dirprwy Gyfarwyddwr, Is-adran Polisi Gwasanaethau Cymdeithasol Oedolion

3.1 Atebodd y Dirprwy Weinidog a swyddogion y cwestiynau gan aelodau’r Pwyllgor am ofal preswyl ar gyfer pobl hŷn.

3.2 Cytunodd y Dirprwy Weinidog i ddarparu gwybodaeth ysgrifenedig am sut mae Arolygiaeth Gofal a Gwasanaethau Cymdeithasol Cymru yn ymgynghori â’r undebau llafur fel rhan o’i chynllun i foderneiddio’r broses reoleiddio ac arolygu, ac i ofyn i’r Gweinidog Tai, Adfywio a Threftadaeth ddarparu gwybodaeth am dargedau Llywodraeth Cymru i gynyddu’r defnydd o ragor o gyfleusterau gofal fel ffordd o ateb anghenion pobl hŷn.  

Y Gweinidog Iechyd a Gwasanaethau Cymdeithasol

Lesley Griffiths AC

David Worthington - Pennaeth yr Is-adran Diogelu Iechyd, Llywodraeth Cymru

Christopher Humphreys - Yr Adran Gwasanaethau Cyfreithiol, Llywodraeth Cymru

4.1 Cymerodd y Pwyllgor dystiolaeth gan y Gweinidog Iechyd a Gwasanaethau Cymdeithasol.

4.2 Cytunodd y Gweinidog i ysgrifennu at y Cadeirydd i egluro pam mae’r manylion ynghylch yr hysbysiadau cost benodedig wedi’u cynnwys yn y Bil a pham nad yw’r esemptiadau posibl i’r cynllun wedi’u cynnwys ar y cam hwn.   

HSC(4)-18-12 papur 2

Trafododd y Pwyllgor y llythyr a chytunodd nad oedd ei amserlen yn caniatáu ystyriaeth ddi-oed o wasanaethau niwroadsefydlu paediatrig, ond y byddai’n eu hystyried fel pwnc posibl ar gyfer gwaith yn y dyfodol.

HSC(4)-18-12 papur 3

Trafododd y Pwyllgor y llythyr a chytunodd i drafod y mater gyda’r Comisiynydd yn nhymor yr hydref, yn ystod y sesiwn ddisgwyliedig ar adroddiad blynyddol Comisiynydd Pobl Hŷn Cymru.

Gweld trawsgrifiad o'r cyfarfod.