Manylion y penderfyniad

Bil Aelod Cynulliad, a gyflwynwyd gan Bethan Jenkins AC. Roedd Bethan Jenkins AC yn llwyddiannus yn y balot deddfwriaethol ar 17 Gorffennaf 2013, a rhoddodd y Cynulliad ganiatâd iddi fwrw ymlaen â'i Bil ar 16 Hydref 2013. Cyfeiriodd y Pwyllgor Busnes y Bil at y Pwyllgor Plant, Pobl Ifanc ac Addysg.

Gwybodaeth am y Bil

Prif ddiben y Bil, pan gyflwynwyd ef, oedd rhoi’r ddealltwriaeth a’r gallu ariannol angenrheidiol i bobl Cymru fel y gallent reoli eu sefyllfa ariannol yn effeithiol. Drwy wneud hynny, byddai’r cynigion wedi helpu i gynyddu ffyniant yng Nghymru drwy wella addysg ariannol a gallu ariannol ei dinasyddion. Rhannwyd cynigion y Mesur yn dri chategori eang:

• gwella gallu ariannol ymysg plant a phobl ifanc oedran ysgol (rhwng 8 ac 16 oed) drwy ei gwneud yn ofyniad cyfreithiol y caiff addysg ariannol ei chynnwys yn y cwricwlwm ysgol;
• cryfhau rôl awdurdodau lleol yn helpu pobl i osgoi anhawster ariannol, drwy ei gwneud yn ofynnol i awdurdodau lleol fabwysiadu strategaeth cynhwysiant ariannol;
• rhoi dyletswyddau i awdurdodau lleol o ran rhoi cyngor a threfnu cyngor ar reolaeth ariannol, yn gyffredinol ac yn benodol o ran plant 16 neu 17 oed sy’n derbyn gofal, plant a fu'n derbyn gofal yn flaenorol a myfyrwyr.

Cyfnod presennol

Methodd y Bil yn niwedd y Pedwerydd Cynulliad gan na chafodd ei basio cyn diwedd y Cynulliad y’i cyflwynwyd ynddo (Rheol Sefydlog 26.77).

Geirfa’r Gyfraith

Cofnod o daith y Bil drwy Gynulliad Cenedlaethol Cymru

Mae’r tabl a ganlyn yn nodi’r dyddiadau ar gyfer pob cyfnod o daith y Bil drwy Gynulliad Cenedlaethol Cymru.

Gwybodaeth gyswllt

Mae'r bil wedi cael ei cyfeirio i'r Pwyllgor Plant, Pobl Ifanc ac Addysg

Ffôn: 0300 200 6565

Ê-bost: Cysylltu@Cynulliad.Cymru

Dechreuodd yr eitem am 15.15