Dadl ar Gomisiwn Bevan

NNDM4730 Jane Hutt (Bro Morgannwg)

Cynnig bod Cynulliad Cenedlaethol Cymru:

1. yn croesawu adroddiad Comisiwn Bevan "2008 – 2011 NHS Wales: Forging a better future" a

2. yn nodi'r dadleuon sydd ynddo o blaid:

a) cydnabod yr heriau anodd sy'n wynebu'r GIG yn y dyfodol;

b) cefnogi newidiadau i wasanaethau sy'n hanfodol er mwyn diogelu dyfodol y GIG;

c) cefnogi camau gweithredu yn y maes clinigol i wella diogelwch ac ansawdd y gofal a roddir i gleifion; a

d) creu gwir bartneriaeth gyda'r cyhoedd er mwyn sicrhau bod yr ethos a oedd yn sail i sefydlu'r GIG yng Nghymru yn cael ei gynnal yn y dyfodol.

Cyflwynwyd y gwelliannau a ganlyn:

Gwelliant 1 - Nick Ramsay (Sir Fynwy)

Ym mhwynt 1, dileu “Yn croesawu” a rhoi “Yn nodi” yn ei le.

Gwelliant 2 - Nick Ramsay (Sir Fynwy)

Ychwanegu pwynt newydd ar ddiwedd y cynnig:

Yn siomedig â chynigion Llywodraeth Cymru i leihau cyllidebau’r GIG dros y 3 blynedd nesaf.

Gwelliant 3 - Peter Black (Gorllewin De Cymru)

Ychwanegu pwynt newydd ar ddiwedd y cynnig

Yn galw ar y Llywodraeth i gyhoeddi cynllun manwl, gyda thargedau y gellir eu mesur, i wneud yn siŵr y gall y gwasanaeth iechyd ymateb i’r heriau a nodir yn yr adroddiad.

Gwelliant 4 - Jocelyn Davies (Dwyrain De Cymru)

Ychwanegu pwyntiau newydd ar ddiwedd y cynnig:

Yn galw ar Lywodraeth Cymru i gyhoeddi ymateb manwl a chynhwysfawr i’r adroddiad mewn modd sy’n dangos ei hymrwymiad i GIG cynaliadwy, gan gynnwys:

a) gwella canlyniadau cleifion;

b) atal gwasanaethau rhag cael eu cwtogi;

c) mynd i’r afael ag anghydraddoldebau iechyd;

d) sicrhau'r manteision iechyd mwyaf posibl yng nghyswllt meysydd polisi eraill; ac

Yn galw ar Lywodraeth Cymru i atal gwasanaethau’r GIG rhag cael eu canoli, a chadarnhau ei hymrwymiad i gynnal Ysbytai Cyffredinol Dosbarth sy’n hanfodol er mwyn darparu gwasanaethau iechyd lleol.

Mae copi o adroddiad Comisiwn Bevan "2008 – 2011 NHS Wales: Forging a better future" i'w weld yn

http://wales.gov.uk/topics/health/publications/health/reports/betterfuture/?skip=1&lang=cy