Craffu ar y Gymraeg
Craffu ar y Gymraeg
Mae Comisiynydd y Gymraeg yn gyfrifol am y canlynol:
- hybu a
hwyluso defnyddio'r Gymraeg;
- gweithio
tuag at sicrhau nad yw'r Gymraeg yn cael ei thrin yn llai ffafriol na'r
Saesneg drwy osod dyletswydd ar rai sefydliadau i gydymffurfio â safonau’n
ymwneud â’r Gymraeg;
- cynnal
ymholiadau i faterion sy'n ymwneud â swyddogaethau'r Comisiynydd; ac
- ymchwilio i
ymyrraeth â rhyddid unigolyn i ddefnyddio'r Gymraeg.
Nodir rôl a phwerau statudol y
Comisiynydd ym Mesur y Gymraeg (Cymru) 2011.
Mae rhagor o wybodaeth am waith y
Comisiynydd ar gael ar wefan Comisiynydd y Gymraeg.
Cytunodd y Pwyllgor Cymunedau, Cydraddoldeb a Llywodraeth Leol i ysgrifennu at bob pwyllgor yn gofyn iddynt ystyried y modd maent yn
craffu ar y Gymraeg lle mae’n rhan o’u cylch gwaith. Cytunodd hefyd i geisio
barn y pwyllgorau ar y ffordd orau o brif ffrydio’r iaith Gymraeg i bob agwedd ar
waith craffu’r Cynulliad.
Bydd y Pwyllgor Craffu ar Waith y Prif Weinidog yn holi’r
Prif Weinidog am rôl Llywodraeth Cymru wrth ddiogelu a hyrwyddo’r iaith
Gymraeg.
Gwaith y Pwyllgor Iechyd a Gofal Cymdeithasol
O ganlyniad i adroddiad Comisiynydd y Gymraeg, 'Fy
Iaith, Fy Iechyd: Ymholiad i'r Gymraeg mewn Gofal Sylfaenol', a gwaith y
Pwyllgor Cymunedau, Cydraddoldeb a Llywodraeth Leol, cytunodd y Pwyllgor Iechyd a Gofal Cymdeithasol
i wahodd y Comisiynydd i'w gyfarfod ar 2 Gorffennaf 2014. Prif
amcanion y cyfarfod oedd:
- clywed barn
y Comisiynydd ar y ddarpariaeth Gymraeg mewn gofal sylfaenol;
- cynnal
sesiwn craffu cyffredinol gyda'r Comisiynydd.
Ar ôl y cyfarfod, ym mis Gorffennaf 2014, ysgrifennodd
y Pwyllgor Iechyd a Gofal Cymdeithasol at y Pwyllgor Cymunedau, Cydraddoldeb a
Llywodraeth Leol (PDF, 189KB).
Math o fusnes:
Statws: Wedi’i gwblhau
Cyhoeddwyd gyntaf: 30/04/2014
Dogfennau