P-04-477 Cefnogi'r Bil Rheoli Cŵn (Cymru)
P-04-477 Cefnogi'r Bil Rheoli Cŵn (Cymru)
Rydym yn galw ar
Gynulliad Cenedlaethol Cymru i annog Llywodraeth Cymru i fwrw ymlaen â'r Bil
Rheoli Cŵn
Cymru.
Rydym ni, sydd
wedi llofnodi isod, ac sy’n byw yng Nghymru, yn galw ar Lywodraeth Cymru i fwrw
ymlaen â'r Bil Rheoli Cŵn
(Cymru) i fynd i’r afael â phroblemau’n ymwneud â chŵn peryglus a bygythiol, ac i beidio â
dibynnu ar gynigion tameidiog Llywodraeth y DU sydd wedi'u gosod allan yn ei
Bil Ymddygiad Gwrthgymdeithasol drafft. Cafwyd esboniad cychwynnol o'r Bil hwn
yn y Papur Gwyn “Putting Victims First,
More Effective Responses to Anti-social Behaviour”.
Cytunwn â
Llywodraeth Cymru sy’n dweud yn ei datganiad fod Hysbysiad Rheoli Cŵn yn amlwg yn well na’r holl ddeddfwriaeth
bresennol gan nad oes angen mynd ag achosion gerbron y llys ac, felly, mae llai
o bwysau ar y pwrs cyhoeddus. Credwn hefyd fod cynigion Llywodraeth y DU, sy'n
cynnwys pedwar dull gorfodi gwahanol, sef-
- gwaharddebau i atal niwsans annoyance;;
- gorchmynion ymddygiad troseddol;
- pwerau gwasgaru;
- hysbysiadau amddiffyn cymunedol;
yn llawer rhy
gymhleth, trwsgl a biwrocrataidd ac y byddant yn arwain at oedi. Rhaid gwneud
cais i’r llys cyn rhoi dau ohonynt ar waith - gwaharddebau a gorchmynion
ymddygiad troseddol.
Credwn fod yr un
Hysbysiad Rheoli Cŵn
cynhwysfawr a gynigir i Gymru yn ddull llawer iawn gwell ac rydym yn annog
Llywodraeth Cymru i lunio deddf sy’n seiliedig ar y cysyniad hwn yn unol â’r
bwriad gwreiddiol. Rydym yn tynnu sylw
Llywodraeth Cymru at y canlynol: (i) casgliadau hynod feirniadol Pwyllgor
Dethol Tŷ'r Cyffredin
ynghylch adroddiad Pwyllgor yr Amgylchedd, Bwyd a Materion Gwledig, sef 'Rheoli
Cŵn a Lles' sy'n
dweud bod cynigion Llywodraeth y DU yn 'rhy syml' ac yn 'resynus o annigonol'.
Mae'r Pwyllgor hefyd yn argymell bod DEFRA a'r Swyddfa Gartref yn cyflwyno
Hysbysiadau Rheoli Cŵn
a (ii) y ffaith bod y cyrff sydd wedi uno yn yr ymgyrch, sef undebau, elusennau
anifeiliaid, yr heddlu a milfeddygon hefyd
yn anfodlon ar y cynigion.
Statws
Yn ei gyfarfod ar 25/02/2020 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor yr ohebiaeth bellach a chytunodd i gau’r ddeiseb yn
sgil faint o amser y mae wedi bod o dan ystyriaeth a gan fod y pwerau
deddfwriaethol ynghylch y mater hwn bellach wedi’u cadw yn ôl i Senedd y DU o
dan Ddeddf Cymru 2017. Diolchodd y Pwyllgor i'r deisebydd am godi’r mater hwn
trwy’r broses ddeisebau.
Gellir gweld manylion llawn ynghylch trafodaeth y
pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei hystyried gyntaf gan y Pwyllgor Deisebau ar 30/04/2013.
Prif ddeisebydd: Cyng.
Dilwar Ali
Ysytyriwyd am y tro cyntaf gan y Pwyllgor: 30 Ebrill 2013
Nifer y llofnodion : 1119
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 22/04/2013