P-06-1339 Dylid creu gofyniad bod paneli solar yn cael eu gosod ar bob cartref newydd yng Nghymru, a hynny fel amod o sicrhau caniatâd cynllunio
P-06-1339 Dylid creu gofyniad bod paneli solar yn cael eu gosod ar bob cartref newydd yng Nghymru, a hynny fel amod o sicrhau caniatâd cynllunio
Cyflwynwyd y ddeiseb hon gan Robert Curtis, ar ôl casglu cyfanswm o 268
lofnodion.
Geiriad y ddeiseb:
Mae'r byd yn wynebu argyfwng ynni, ac rydym i gyd yn wynebu argyfyngau
brawychus o ran yr hinsawdd a byd natur. Dyma pam mae mor bwysig bod
Llywodraeth Cymru yn arwain y ffordd o ran sicrhau ffynonellau ynni
adnewyddadwy yn y dyfodol.
Dylai pob adeilad diwydiannol, masnachol a domestig newydd (nad yw yn y
cysgod nac yn wynebu'r gogledd) gynnwys cyfarpar ynni solar fel rhan o'r broses
o gael caniatâd cynllunio.
Mae'r haul yn cynhyrchu mwy na digon o ynni i ddiwallu anghenion ynni'r byd
i gyd, ac nid yw'r ynni hwnnw’n debygol o ddod i ben.
Gwybodaeth Ychwanegol:
Mae nifer o fanteision amgylcheddol ynghlwm wrth ddefnyddio paneli solar.
Maent yn cynhyrchu ynni gwyrdd, ac nid ydynt yn creu allyriadau wrth wneud
hynny.
#1 Maent yn lleihau'r ynni yr ydym yn ei ddefnyddio o'r Grid Cenedlaethol.
Maent yn lleihau tlodi ynni ac yn ein helpu ni i gadw’r goleuadau ymlaen.
#2 Nid ydynt yn creu allyriadau. Gallant leihau ôl troed carbon eich
cartref 80 y cant mewn blwyddyn.
#3 Maent yn cynhyrchu ynni adnewyddadwy. Mae ynni solar yn fath o ynni
adnewyddadwy. Mae hyn yn golygu bod digon ohono i bawb ei rannu, gan ei fod yn
ffynhonnell o ynni na fydd yn dod i ben (nid am biliynau o flynyddoedd, beth
bynnag). Mae tanwyddau ffosil yn ffynonellau cyfyngedig o ynni, ac rydym yn
niweidio'r blaned pan fyddwn yn cloddio amdanynt ac yn eu dosbarthu.
#4 Maent yn para am amser hir ac nid oes angen llawer o waith cynnal a
chadw arnynt, os o gwbl. Mae angen ailosod unedau gwresogi confensiynol a
gwneud gwaith cynnal a chadw arnynt yn gymharol reolaidd. Gall hyn achosi
llawer o wastraff nad yw'n ecogyfeillgar, yn ogystal â chynyddu'r angen am fwy
o unedau. Gan fod paneli solar yn para tua 50 mlynedd, ni ddylai fod angen i
chi eu hadnewyddu am amser hir.
Statws
Yn ei gyfarfod ar 03/07/2023 penderfynodd y Pwyllgor
Deisebau fod y ddeiseb hon wedi'i chwblhau.
Trafododd y Pwyllgor y ddeiseb a nododd fod y Gweinidog yn glir iawn
ynghylch ei dull gweithredu a pham.
Yng ngoleuni ymateb y Gweinidog cytunodd yr Aelodau nad ydynt yn gallu mynd
â'r mater ymhellach a chytunwyd i ddiolch i'r deisebydd a chau'r ddeiseb.
Gellir gweld manylion llawn ynghylch trafodaeth y Pwyllgor o'r ddeiseb hon
a'r dogfennau cysylltiedig ar y tab Cyfarfodydd uchod.
Cafodd ei thrafod gyntaf gan y Pwyllgor Deisebau ar 03/07/2023.
Etholaeth a Rhanbarth y Senedd
- Bro Morgannwg
- Canol De Cymru
- Hafan y
Pwyllgor Deisebau
- Gweld pob
deiseb sydd ar agor
- Gweld pob
deiseb mae’r pwyllgor bellach yn ystyried
- Sut mae
proses Ddeisebu yn gweithio
- Briffiau ymchwil deisebau
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 22/05/2023