NDM7141 Dadl y Blaid Brexit - Y Deyrnas Unedig a'r Undeb Ewropeaidd
NDM7141 Dadl y Blaid Brexit - Y Deyrnas Unedig a'r Undeb Ewropeaidd
NDM7141 Caroline
Jones (Gorllewin De Cymru)
Cynnig bod Cynulliad Cenedlaethol Cymru:
1. Yn cefnogi aelodaeth Cymru o Deyrnas Unedig Prydain
Fawr a Gogledd Iwerddon a'i pharhad amhenodol.
2. Yn nodi bod Cymru, fel y Deyrnas Unedig yn ei
chyfanrwydd, wedi pleidleisio i adael yr Undeb Ewropeaidd.
3. Yn cefnogi datganoli pellach mewn meysydd penodol a
fyddai o fudd i Gymru a lle mae rhannau eraill o'r Deyrnas Unedig yn elwa o
ddatganoli o'r fath, fel toll teithwyr rheilffyrdd ac awyr.
4. Yn nodi'r rhan a fu gan yr Undeb Ewropeaidd yn y
gorffennol o dan erthyglau 154 i 156 o Gytuniad Rhufain mewn perthynas â
rhwydweithiau traws-Ewropeaidd, gan gynnwys yr M4 a'r A55.
5. Yn galw ar Lywodraeth y DU i gefnogi gwelliannau i'r
A55 a chyflenwi ffordd liniaru'r M4 drwy gronfa ffyniant a rennir y DU er budd
Cymru a'r DU gyfan.
Cytuniad
yn sefydlu Cymuned Economaidd Ewrop
Cyflwynwyd y gwelliannau a ganlyn:
Gwelliant 1 - Rebecca
Evans (Gwyr)
Ychwanegu ar ddiwedd pwynt 1 “ond yn credu bod angen i’r
ffordd y cynhelir y cysylltiadau rhynglywodraethol rhwng y cenhedloedd
datganoledig a Llywodraeth y DU gael ei diwygio mewn modd radical”.
Gwelliant 2 - Rebecca
Evans (Gwyr)
Ychwanegu ar ddiwedd pwynt 2 “ond yn credu, yn sgil
profiad y tair blynedd diwethaf, na ellir sicrhau dyfodol mwy disglair i Gymru
heb i’r DU aros yn yr UE”.
Gwelliant 3 - Rebecca
Evans (Gwyr)
Ym mhwynt 3, yn lle “fel toll”, rhoi “fel plismona a
chyfiawnder a tholl”.
Gwelliant 4 - Rebecca
Evans (Gwyr)
Dileu pwynt 5 a rhoi yn ei le:
Yn galw ar Lywodraeth y DU:
a) i gryfhau ei hymrwymiad i fuddsoddi mewn seilwaith yng
Nghymru, er enghraifft drwy drydaneiddio’r prif linellau rheilffordd yn y De
a’r Gogledd a buddsoddi mewn ynni llanw yng Nghymru, sy’n gyfrifoldeb iddi;
b) i ddarparu cyllid llawn yn lle’r cyllid Ewropeaidd y
bydd Cymru’n ei golli os bydd y DU yn ymadael â’r UE, a hynny heb unrhyw
ymyrraeth gan Lywodraeth y DU o ran y ffordd orau o’i ddefnyddio.
[Os derbynnir gwelliant 4, caiff gwelliant 5 ei
ddad-ddethol]
Gwelliant 5 - Darren
Millar (Gorllewin Clwyd)
Ym mhwynt 5, ar ôl 'gwelliannau i'r', ychwanegu
'seilwaith yng Nghymru, gan gynnwys yr'.
Math o fusnes: Dadl
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 07/06/2021
Angen Penderfyniad: 25 Medi 2019 Yn ôl Y Cyfarfod Llawn - Y Bumed Senedd
Prif Aelod: Caroline Jones AS