Gorchymyn yn y Cyfrin Gyngor arfaethedig - Gorchymyn Deddf Llywodraeth Cymru 2006 (Diwygio) 2019
Gorchymyn yn y Cyfrin Gyngor arfaethedig - Gorchymyn Deddf Llywodraeth Cymru 2006 (Diwygio) 2019
Mae Adran 109 o Ddeddf Llywodraeth Cymru 2006 yn
caniatáu i'w Mawrhydi, drwy Orchymyn yn y Cyfrin Gyngor, ddiwygio Atodlen 7 i
Ddeddf 2006 , ar yr amod bod drafft o'r Gorchymyn wedi cael ei gymeradwyo yn
gyntaf gan y Cynulliad a dau Dŷ Senedd y DU.
Mae Rheol Sefydlog 25 yn nodi'r weithdrefn y dylid ei
dilyn mewn perthynas â thrafod Gorchmynion yn y Cyfrin Gyngor sydd i'w gwneud o
dan adran 109 o Ddeddf Llywodraeth Cymru 2006.
Bydd Gorchymyn Deddf Llywodraeth Cymru 2006 (Diwygio)
2019 yn ychwanegu at yr eithriadau ym mharagraffau 9(6) a 10(2) o Atodlen 7B i
Ddeddf 2006: “electoral registration officers (within the meaning given in
section 8 of the Representation of the People Act 1983).” Mae hefyd yn darparu
ar gyfer sut y mae'r diwygiadau hyn yn effeithio ar weithrediad erthygl 45 o
Orchymyn Gweinidogion Cymru (Trosglwyddo Swyddogaethau) 2018.
Cafodd y Gorchymyn arfaethedig ei osod
gerbron y Cynulliad Cenedlaethol ar 16 Gorffennaf 2019. Cyfeiriodd y
Pwyllgor Busnes y Gorchymyn arfaethedig at y Pwyllgor Deddfwriaeth, Cyfiawnder a’r
Cyfansoddiad i'w ystyried yn fanwl. Cyhoeddodd y Pwyllgor ei adroddiad
ar 30 Medi 2019.
Yn dilyn gwaith craffu’r Pwyllgor Deddfwriaeth,
Cyfiawnder a’r Cyfansoddiad ar y Gorchymyn arfaethedig, cafodd y Gorchymyn drafft
(Saesneg yn unig) a’r Memorandwm
Esboniadol eu gosod yn y Swyddfa Gyflwyno ar 16 Hydref 2019. Cymeradwyodd y
Senedd y Gorchymyn drafft yn y Cyfarfod Llawn ar 6
Tachwedd 2019.
Math o fusnes: Deddfwriaeth
Statws: I'w ystyried
Cyhoeddwyd gyntaf: 24/07/2019
Dogfennau
- Adroddiad - Gorchymyn Arfaethedig yn y Cyfrin Gyngor: Gorchymyn Deddf Llywodraeth Cymru 2006 (Diwygio) 2019 - Medi 2019
- Gorchymyn Deddf Llywodraeth Cymru 2006 (Diwygio) 2019 (Saesneg yn unig) PDF 92 KB Gweld fel HTML (2) 107 KB
- ME (Llywodraeth Cymru) - Gorchymyn Deddf Llywodraeth Cymru 2006 (Diwygio) 2019 PDF 86 KB Gweld fel HTML (3) 13 KB
- ME (Llywodraeth y DU) - Gorchymyn Deddf Llywodraeth Cymru 2006 (Diwygio) 2019 (Saesneg yn unig) PDF 104 KB Gweld fel HTML (4) 31 KB
- Yr amserlen ar gyfer ystyried y Gorchymyn yn y Cyfrin Gyngor o dan adran 109 o Ddeddf Llywodraeth Cymru 2006 - Gorffennaf 2019