Rheolau Cynllun Pensiwn Aelodau’r Cynulliad

Mae Penderfyniad y Bwrdd Taliadau yn amlinellu y bydd Aelodau’r Cynulliad yn cael eu cofrestru’n awtomatig yng Nghynllun Pensiwn Aelodau’r Cynulliad (heblaw eu bod yn dewis peidio).

Caiff y Cynllun Pensiwn ei hun ei reoli gan Fwrdd Pensiynau’r Cynllun.

Y Bwrdd Taliadau sy’n gyfrifol am reolau’r Cynllun ac am bennu lefel buddion yr Aelodau, a’u ffurf.

Ymgynghori

Mae’r Bwrdd Taliadau yn cynnig gwneud nifer o newidiadau i Reolau’r Cynllun Pensiwn er mwyn sicrhau cydymffurfiad parhaus â’r gofynion gwahaniaethu ar sail oedran mewn perthynas ag aelodau sy’n 75 oed a hŷn. Mae’r Bwrdd hefyd yn cynnig rhoi mwy o hyblygrwydd i’r Aelodau hynny sy’n dioddef salwch difrifol, o ran ar ba ffurf y gallant dynnu eu pensiwn.

Ceir manylion llawn am gynigion y Bwrdd yn y ddogfen ymgynghori atodedig.