P-05-795 Achosi Niwsans neu Aflonyddwch ar safleoedd y GIG
P-05-795 Achosi Niwsans neu Aflonyddwch ar safleoedd y GIG
Cyflwynwyd y
ddeiseb hon gan Claire Thomas, ar ôl casglu 74 o lofnodion ar-lein.
Geiriad
y ddeiseb:
Creodd A119
o'r Ddeddf Cyfiawnder Troseddol a Mewnfudo 2008 bwerau i ddelio â phobl sy'n
achosi niwsans neu aflonyddwch ar safleoedd y GIG. Ni chafodd hyn ei ddeddfu
yng Nghymru, ac nid oes unrhyw ddarpariaethau i ddelio â phobl sy'n creu
problemau ar gyfer y GIG yn y modd hwn.
Mae yna nifer o unigolion
sy'n achosi problemau tra ar safleoedd y GIG, ac mae'r heddlu yn derbyn llawer
o alwadau i ddelio ag ymddygiad o'r fath, ond nid oes unrhyw ffordd o ymdrin
â'r mater hwn yn effeithiol gan nad oes trosedd benodol y gall yr heddlu ei
defnyddio i atal pobl, heb fod ganddynt esgus rhesymol, sydd naill ai'n achosi
aflonyddwch neu niwsans, yn gwrthod gadael yr adeilad pan ofynnir iddynt, neu
nad ydynt ar y safle at ddiben cael cyngor, triniaeth neu ofal meddygol.
Gwybodaeth ychwanegol:
Mae'r gost i wasanaethau
iechyd a'r heddlu wrth ddelio â phobl sy'n achosi niwsans ar safleoedd y GIG yn
sylweddol. Mae nifer o'r unigolion hyn yn ymddangos dro ar ôl tro, ac nid oes
unrhyw bwerau i ddelio â hyn. Mae eu presenoldeb hefyd yn achosi gofid i eraill
sy'n mynd at y GIG am resymau dilys. Mae A119 o Ddeddf Cyfiawnder Troseddol a
Mewnfudo 2008 wedi cael ei defnyddio'n llwyddiannus gan yr heddlu ac iechyd yn
Lloegr i fynd i'r afael â'r mater ers i'r adran benodol ddod i rym yn 2009, ac
eto nid oes unrhyw bŵer i wneud hynny yng Nghymru, ac er bod Llywodraeth
Cymru wedi awgrymu y byddai pwerau tebyg i fynd i'r afael â'r mater hwn yn cael
eu datblygu yng Nghymru, nid yw hyn wedi digwydd.
Statws
Yn ei gyfarfod ar 09/02/2021 penderfynodd y
Pwyllgor Deisebau fod y ddeiseb hon wedi'i chwblhau.
Trafododd y Pwyllgor yr ohebiaeth a ddaeth i law
ac, o ystyried faint o amser a oedd wedi
mynd heibio ers cyflwyno’r ddeiseb heb ddiweddariad na chynnydd sylweddol, ac o
ystyried na chafwyd ymateb gan y deisebydd ers cyflwyno’r ddeiseb, cytunodd y
Pwyllgor i gau’r ddeiseb a diolch i’r deisebydd.
Gellir gweld manylion llawn ynghylch trafodaeth y
pwyllgor o'r ddeiseb hon a'r dogfennau cysylltiedig ar y tab Cyfarfodydd uchod.
Cafodd ei hystyried gyntaf gan y Pwyllgor Deisebau
ar 23/01/2018.
Etholaeth a Rhanbarth y Senedd
- Canol Caerdydd
- Canol De Cymru
Rhagor o wybodaeth
- Hafan y Pwyllgor Deisebau
- Gweld pob deiseb sydd ar agor
- Gweld pob deiseb mae’r pwyllgor bellach yn
ystyried
- Sut mae proses Ddeisebu yn gweithio
Math o fusnes: Deiseb
Rheswm dros ei ystyried: Busnes y Senedd;
Statws: Wedi’i gwblhau
Cyhoeddwyd gyntaf: 12/12/2017