NDM6027 - Dadl gan Aelodau Unigol o dan Reol Sefydlog 11.21(iv)

NDM6027
Bethan Jenkins (Gorllewin De Cymru)
Lee Waters (Llanelli)
Russell George (Sir Drefaldwyn)
Jeremy Miles (Castell-nedd)
Jenny Rathbone (Canol Caerdydd)
Simon Thomas (Canolbarth a Gorllewin Cymru)
 
Cynnig bod Cynulliad Cenedlaethol Cymru:

1. Yn gresynu bod y swm o arian a gaiff ei wario gan y BBC ar raglenni Saesneg ar gyfer Cymru wedi disgyn 25 y cant yn y degawd diwethaf.

2. Yn credu bod gan BBC Cymru ran hanfodol i'w chwarae o ran adlewyrchu bywydau, uchelgeisiau a heriau pobl Cymru.

3. Yn nodi cyfaddefiad yr Arglwydd Hall bod y cyllid ar gyfer cynnwys Saesneg a gaiff ei wneud yng Nghymru ar gyfer cynulleidfaoedd Cymru wedi gostwng i lefelau anghynaliadwy, ac felly'n galw ar y BBC i amlinellu'n fanwl beth yw ei ymrwymiadau gwario o ran Cymru yn y dyfodol agos a'r dyfodol pellach.