P-05-695 Cyflwyno Addysg Iechyd Meddwl Orfodol mewn Ysgolion Uwchradd
P-05-695 Cyflwyno Addysg Iechyd Meddwl Orfodol mewn Ysgolion Uwchradd
Cyflwynwyd y ddeiseb hon gan
Plaid Ifanc Llanelli ar ôl casglu 24 llofnod.
Geiriad y ddeiseb
Mae salwch meddwl yn fater sydd
bob amser wedi dioddef llawer o stigma mewn cymdeithas. Mae'r geiriau
'Gwallgof', 'Gorffwyll', 'Lloerig' bellach yn eiriau normal ar gyfer disgrifio
rhywun gorfywiog, neu'n waeth na hynny, ar gyfer disgrifio unigolyn sy'n cael
pwl seiciatrig.
Ym mis Hydref 2015, cynigiodd
Brett John a Ffion Rees, Cadeirydd ac Ysgrifennydd Plaid Ifanc Llanelli, gynnig
i gynhadledd i gyflwyno addysg iechyd meddwl mewn ysgolion uwchradd. Cafodd ei
dderbyn gyda chlod. Fodd bynnag, rydym am wneud llawer mwy na hynny. Rydym yn
credu, drwy gyflwyno addysg iechyd meddwl, y gallwn drechu'r stigma sy'n
gysylltiedig â salwch meddwl cyn iddo ddechrau o ddifri ymysg myfyrwyr
uwchradd. Bydd yn dysgu amrywiaeth o wersi i fyfyrwyr, fel sut mae'n iawn i
beidio â bod yn iawn, pam bod salwch meddwl yn datblygu, a'r cymorth sydd ar
gael os ydynt yn dioddef.
Gwybodaeth ychwanegol
Dyna pam ein bod yn gofyn i
Lywodraeth Cynulliad Cymru gyflwyno addysg iechyd meddwl orfodol i ysgolion
uwchradd. Dim ond drwy ddechrau'r sgwrs yn gynnar y gallwn atal y stigma sy'n
gysylltiedig ag iechyd meddwl rhag datblygu ymysg ein pobl ifanc.
Pobl ifanc heddiw yw ein
dyfodol. Rhaid i ni sicrhau, drwy ddarparu addysg ar iechyd a lles meddwl iddyn
nhw, na fyddant byth yn ei weld fel rhywbeth negyddol. Yn y pen draw, gallwn
gael gwared ar y stigma, ond mae'r sgwrs i ddechrau'r broses hon ymysg ein pobl
ifanc yn dechrau nawr.
Statws
Yn ei gyfarfod ar 13/09/2016 penderfynodd y Pwyllgor Deisebau fod y ddeiseb hon wedi'i chwblhau.
Ystyriodd y Pwyllgor y ddeiseb hon ochr yn ochr ag eitem
agenda 2.9 (P-05-708 i Wneud Iechyd Meddwl yn Rhan o’r Cwricwlwm) a chytunodd i
gau’r ddeiseb.
Cafodd ei thrafod gyntaf gan y Pwyllgor Deisebau ar 12/07/2016
Etholaeth a Rhanbarth y Cynulliad
·
Llanelli
·
Canolbarth a Gorllewin Cymru
Rhagor
o wybodaeth
Math o fusnes: Deiseb
Statws: Wedi’i gwblhau
Cyhoeddwyd gyntaf: 06/07/2016