P-04-659 Talwch Gostau Teithio Llawn Myfyrwyr Nyrsio
P-04-659 Talwch Gostau Teithio Llawn Myfyrwyr Nyrsio
Cyflwynwyd y ddeiseb hon gan Steffan Thomas a chasglwyd
102 llofnod a’r lein
Geiriad
y ddeiseb
Yn 2014, newidiodd Llywodraeth Cymru ei pholisi ar
deithio i leoliadau gwaith, sef yr elfen mewn gwaith o gwrs nyrsio. Cyn y newid
hwn, roedd myfyrwyr yn cael eu talu am eu treuliau teithio o'u cartref i'w
gweithle. Bellach, telir myfyrwyr am gost teithio o'u cartref, neu'r brifysgol
y maent yn astudio ynddi. Yna defnyddir y pellter lleiaf i gyfrifo'r taliad y
maent yn ei gael.
Mae myfyrwyr nyrsio heb ddibynyddion yng Nghymru yn
derbyn bwrsari o oddeutu £100 i £500 y mis. Ar ei orau, dyw'r ffigur uwch, o'i wasgaru
ar draws eu horiau gwaith, yn ddim gwell nag isafswm cyflog. Ar leoliadau
gwaith, mae disgwyl i fyfyrwyr nyrsio fabwysiadu nifer gynyddol o gyfrifoldebau
nyrs. Maent yn darparu gofal – yn ymolchi, gwisgo a bwydo cleifion; yn siarad â
chleifion a'u teuluoedd; ac yn gweithio gyda gweithwyr gofal iechyd
proffesiynol i wella llesiant cleifion. Hefyd, mae gofyn iddynt ddangos eu bod
yn dysgu o'r lleoliadau gwaith hyn, ac yn mireinio'u sgiliau wrth ofalu am
gleifion.
Mae torri'r lwfansau teithio ar gyfer y lleoliadau gwaith
hyn yn gyfystyr â thorri'r cyfanswm a dderbynnir am fod yn fyfyriwr nyrsio.
Mae'r newid hwn yn achosi nifer o effeithiau andwyol.
Mae hyn yn rhoi cymhelliant i brifysgolion gynnig
lleoliadau mor agos â phosibl i'r campws i fyfyrwyr - gan gyfyngu ar brofiad
clinigol myfyrwyr nyrsio cyn iddynt gymhwyso.
Mae'n gwneud
nyrsio'n llai deniadol i bobl o gymunedau gwledig neu anghysbell.
Mae'n ffafrio
nyrsys sy'n byw'n agosach at eu prifysgol, a gallai fod yn rhwystr i'r rheini
sy'n methu symud oherwydd ymrwymiadau i blant ac eraill.
Mae'n gwneud
nyrsio'n llai deniadol i bobl mewn gwaith amser llawn, neu o gefndiroedd
difreintiedig.
Rydym yn credu y dylid talu costau teithio myfyrwyr
nyrsio lle bynnag y maent yn byw, i'r lleoedd y maent yn gweithio ynddynt.
Rydym yn credu bod y newid hwn yn ei gwneud yn llai tebygol y bydd pobl yn
dewis gyrfa mewn nyrsio, ac yn credu y bydd yn cyfyngu ar y profiadau y byddant
yn eu cael cyn cymhwyso. Rydym yn galw ar Lywodraeth Cymru i wrthdroi'r newid
hwn, er budd myfyrwyr nyrsio a'u cleifion.
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 23/11/2015