P-04-642 Achubwch Brosiect Filter - Ymgyrch a Sefydlwyd i Atal Pobl Ifanc Rhag Ysmygu ac i'w Helpu i Roi'r Gorau Iddi
P-04-642 Achubwch Brosiect Filter - Ymgyrch a Sefydlwyd i Atal Pobl Ifanc Rhag Ysmygu ac i'w Helpu i Roi'r Gorau Iddi
Rydym yn galw ar Lywodraeth Cymru i ariannu prosiect
Filter - sef ymgyrch a sefydlwyd i atal pobl ifanc rhag ysmygu ac i'w helpu i
roi'r gorau iddi.
Gwybodaeth
ychwanegol
Mae bron 5,500 o bobl yng Nghymru yn marw o glefydau sy'n
gysylltiedig ag ysmygu bob blwyddyn ac mae 21% o oedolion yng Nghymru yn ysmygu
ar hyn o bryd. Gall plant fynd yn gaeth i ysmygu - mae llond dosbarth o bobl ifanc yn dechrau
ysmygu bob dydd yng Nghymru; rhaid gwneud mwy i leihau'r nifer hon.
Mae prosiect Filter, a ariannwyd am dair blynedd gan y
Gronfa Loteri Fawr ac a gaiff ei roi ar waith gan ASH Wales Cymru, wedi bod yn
llwyddiant mawr gan addysgu pobl ifanc mewn cymunedau difreintiedig am ysmygu.
Ond mae'r gwasanaeth o dan fygythiad gan y daw ei gyllid i ben ym mis Hydref
2015.
Mae'r gwasanaeth yn cynnig:
• Gweithdai
wyneb yn wyneb gyda phobl ifanc
• Hyfforddiant
i weithwyr proffesiynol a gwirfoddolwyr ifanc
• Cymorth i
roi'r gorau i ysmygu drwy ddefnyddio'r cyfryngau cymdeithasol
• Gwefan sy'n
rhoi gwybodaeth a chyngor i bobl ifanc yn benodol
Mae tîm datblygu ieuenctid prosiect Filter wedi gweithio
gyda dros 5,000 o bobl ifanc mewn dros 200 o sesiynau ledled Cymru, a hynny gyda chefnogaeth y
cyfryngau cymdeithasol a gwasanaethau ar-lein. Mae'r tîm wedi creu cysylltiadau
hollbwysig mewn cymunedau difreintiedig ledled Cymru, lle mae cyfraddau ysmygu
ar eu huchaf. Mae'r tîm hefyd wedi hyfforddi dros 750 o weithwyr proffesiynol
sy'n gweithio gyda phobl ifanc.
Dros y tair blynedd diwethaf mae'r fenter hon wedi
darparu gwasanaeth gwerthfawr, gan fynd i'r afael â'r broblem fwyaf ym maes
iechyd cyhoeddus yng Nghymru. Mae helpu pobl ifanc i roi'r gorau i ysmygu, a'u
hatal rhag dechrau gwneud hynny, ymhlith blaenoriaethau pwysicaf Llywodraeth
Cymru, fel y nodir yn y Cynllun Gweithredu Rheoli Tybaco.
Aeth Prifysgol Caerdydd ati i gynnal gwerthusiad
annibynnol o brosiect Filter a daeth i'r casgliad bod y tair agwedd ar waith
prosiect yn ymarferol ac yn hyblyg a bod
modd eu haddasu wrth eu rhoi ar waith.
Daw grant Y Gronfa Loteri Fawr i ben ym mis Hydref eleni
a, heb unrhyw gyllid pellach gan Lywodraeth Cymru neu Iechyd Cyhoeddus Cymru,
ni fydd gennym unrhyw wasanaeth sy'n gweithio gyda phobl ifanc y tu allan i
leoliadau ysgol. Mae gwasanaeth fel prosiect Filter yn hanfodol i sicrhau
cenhedlaeth ddi-fwg ac i fynd i'r afael â'r broblem fwyaf rydym yn ei hwynebu o
ran iechyd cyhoeddus.
Prif
ddeisebydd: ASH Wales Cymru
Ystyriwyd
gan y Pwyllgor am y tro cyntaf:
Nifer
y deisebwyr: 365 llofnod ar
lein
Rheswm dros ei ystyried: Busnes y Senedd;
Math: Er gwybodaeth
Cyhoeddwyd gyntaf: 25/06/2015