Cod Ymarfer i Landlordiaid ac Asiantwyr y Sector Tai Rhent Preifat

Ym mis Mawrth 2015, cynhaliodd Llywodraeth Cymru ymgynghoriad ynghylch y  Cod Ymarfer i Landlordiaid ac Asiantwyr mewn perthynas â darpariaethau a gyflwynwyd yn Rhan 1 o Ddeddf Tai (Cymru) 2014.

Rhoddwyd Cydsyniad Brenhinol i Ddeddf Tai (Cymru) ar 17 Medi 2014. Mae Rhan 1 o’r Ddeddf yn cynnwys darpariaethau sy’n cyflwyno cynllun trwyddedu gorfodol ar gyfer pobl sy’n ymwneud â gosod a rheoli eiddo preswyl yng Nghymru.

Rhan o amodau trwydded a roddir gan yr Awdurdod Trwyddedu yw i ddeiliad y drwydded gadw at God Ymarfer a gyhoeddwyd gan Weinidogion Cymru. Cynhaliodd Llywodraeth Cymru yr ymgynghoriad i gael barn am gynnwys y Cod Ymarfer hwnnw.