P-04-634 Rhoi terfyn ar wahaniaethu yn erbyn plant heb grefydd mewn ysgolion
P-04-634 Rhoi terfyn ar wahaniaethu yn erbyn plant heb grefydd mewn ysgolion
Geiriad
y ddeiseb:
Mae'r ddeiseb hon yn gofyn am gefnogaeth y Gweinidog
Addysg a Sgiliau i ddarparu addysg na fydd yn gwahaniaethu yn erbyn plant nad
ydynt yn dilyn crefydd gyfundrefnol yng Nghymru.
Ysgogwyd y ddeiseb
hon ar ôl profiad personol o anfon fy mhlentyn i ysgol gynradd gymunedol
ragorol ym Mhontypridd. Mae gan yr ysgol athrawon anhygoel o gefnogol ac addysg
o ansawdd uchel. Fodd bynnag, fel pob ysgol gynradd gymunedol yng Nghymru, mae
hi wedi ei rhwymo'n gyfreithiol i gynnal sesiynau addoli ar y cyd, ac yn
achlysurol, mae'n mynd y tu hwnt i'r rhwymedigaeth honno gan gynnwys addoli yn
yr ystafell ddosbarth, yn y neuadd ginio ac ar dripiau ysgol (i leoedd fel Sw'r
Creu, Noah's Ark Farm (gweler y ddeiseb bresennol dan ystyriaeth yma:
http://www.senedd.assembly.wales/mgIssueHistoryHome.aspx?IId=10925 ).
Yn ein hachos ni, does neb erioed wedi ymgynghori â'r
rhieni i ofyn a ydym yn dymuno i'n plant gael eu dysgu am grefydd fel petai'n
wirionedd, rhywbeth nad ydym yn ei ddymuno. Pan glywais am y trip i Noah's Ark
Zoo Farm yn benodol, cysylltais â'r pennaeth a dywedodd fod gennyf y dewis i
eithrio fy mhlentyn o weithgareddau ffurfiol yr ysgol, ond dydw i ddim eisiau
niweidio na lleihau rôl fy merch yng nghymuned yr ysgol na gwahaniaethu'n
gyffredinol yn ei herbyn ar sail crefydd.
Ar ôl hynny,
chwiliais am ysgol gyfagos y gallwn anfon fy merch iddi fel dewis amgen a
gwelais nad oedd hynny'n bosibl, nid yn unig yn lleol ond trwy Gymru gyfan.
Cefais sioc wirioneddol o ganfod bod y rhwymedigaeth gyfreithiol hon yn golygu
nad oes un ysgol yn y wlad lle gall fy merch gymryd rhan gyfartal yng
ngweithgareddau'r ysgol. Ar ôl siarad â nifer o rieni eraill yn yr ysgol,
cefais ddigon o gefnogaeth gan bobl grefyddol a phobl heb grefydd i gyflwyno'r
ddeiseb hon.
Nid bwriad y
deisebydd yw ymgyrchu dros ddod ag arferion crefyddol mewn ysgolion i ben ond
gofyn i'r Gweinidog Addysg sicrhau addysg hyfyw, sydd ddim yn gwahaniaethu yn
erbyn plant nad ydynt yn dilyn unrhyw grefydd gyfundrefnol.
.
Prif
ddeisebydd: Richard Martin
Ystyriwyd
gan y Pwyllgor am y tro cyntaf: TBC
Nifer
y deisebwyr: 37 Ar lein
Math o fusnes: Deiseb
Rheswm dros ei ystyried: Busnes y Senedd;
Statws: I'w ystyried
Cyhoeddwyd gyntaf: 05/05/2015