Trafodaeth ar Fframwaith Llywodraeth Cymru ar gyfer Buddsoddi ar y cyd mewn Sgiliau

Cynhaliodd Pwyllgor Menter a Busnes Cynulliad Cenedlaethol Cymru drafodaeth ar Fframwaith Llywodraeth Cymru ar gyfer Buddsoddi ar y cyd mewn Sgiliau.

Cylch Gorchwyl

Dechreuwyd rhoi fframwaith Llywodraeth Cymru ar gyfer Buddsoddi ar y cyd mewn sgiliau (pdf 863KB) ar waith ddechrau mis Ebrill 2015:

• I ba raddau y bydd y polisi buddsoddi ar y cyd yn cynorthwyo i gyflawni nod Llywodraeth Cymru o “sicrhau bod Cymru yn datblygu mantais gystadleuol o ran creu gweithlu cynhyrchiol a medrus”?

• A fydd cyflogwyr yn arfer yr egwyddor o fuddsoddi ar y cyd? A yw’n debygol y bydd lefelau hyfforddiant yn cynyddu neu’n gostwng o ganlyniad i hyn?
• Pa effaith (os o gwbl) y bydd rhagor o fuddsoddiad ariannol gan gyflogwyr yn ei chael ar ansawdd cyrsiau hyfforddi a pha mor berthnasol ydynt i’r farchnad lafur?

Fel rhan o’r Cylch Gorchwyl drafft hwn, efallai y bydd y Pwyllgor am ystyried:

• A ddylai unrhyw hyfforddiant ychwanegol fod wedi’i eithrio o fuddsoddi ar y cyd, er enghraifft, ar gyfer busnesau newydd?
• A oes dulliau eraill o rannu costau hyfforddiant, er enghraifft ardoll hyfforddi?

• Defnyddio cyllid Ewropeaidd.

Tystiolaeth gan y Cyhoedd

Cynhaliodd y Pwyllgor ymgynghoriad cyhoeddus i gasglu tystiolaeth am y testun yma.