P-04-550 Pwerau Cynllunio

P-04-550 Pwerau Cynllunio

Rydym yn galw ar Gynulliad Cenedlaethol Cymru i annog Llywodraeth Cymru i ymchwilio i sut y gellid defnyddio pwerau cynllunio datganoledig i wneud defnydd buddiol o safleoedd gwag neu segur.

Rydym yn poeni’n arbennig y gallai safleoedd gwag neu segur fel yr hen Kwik Save yn Llaneirwg, Caerdydd fod yn falltod ar gymunedau a denu ymddygiad gwrthgymdeithasol.

Hoffem i’r ymchwiliad ystyried a yw’r pwerau presennol i gymryd camau yn erbyn perchenogion tir gwag neu segur yn ddigonol, gan gynnwys y potensial i orfodi perchenogion i weithredu ar eu traul eu hunain i gael gwared ar safleoedd hyll neu strwythurau segur.

Rydym yn galw am gynnal ymchwiliad cyn i’r Cynulliad basio’r Bil Cynllunio arfaethedig.

 

Prif ddeisebydd:  St Mellons Action Group

 

Ysytyriwyd am y tro cyntaf gan y Pwyllgor: 13 Mai 2014

 

Nifer y llofnodion: 41

 

Trafodwyd y ddeiseb hon gan y Pwyllgor ar 23 Chwefror 2016 o dan Eitem 4 ar yr Agenda – Deisebau y cynigir y dylid eu cau, a chytunodd i gau’r ddeiseb.

 

 

Math o fusnes: Deiseb

Rheswm dros ei ystyried: Busnes y Senedd;

Statws: I'w ystyried

Cyhoeddwyd gyntaf: 07/05/2014