P-04-410 Cofeb Barhaol i Weithwyr Cymru
P-04-410 Cofeb Barhaol i Weithwyr Cymru
Geiriad y ddeiseb:
Rydym yn galw ar
Gynulliad Cenedlaethol Cymru i annog Llywodraeth
Cymru i ariannu, naill ai’n uniongyrchol
neu drwy Gyngor Celfyddydau Cymru, gofeb barhaol
i weithwyr’.
Bu farw un ar
ddeg o bobl wrth eu gwaith
y llynedd yng Nghymru. Mae marw ac anafiadau’n amlwg iawn yn
hanes Cymru. Roedd y trychineb ym mhwll
Gleision y llynedd yn ein hatgoffa
o erchyllterau’r gorffennol. Ac eto, er gwaethaf y ffordd
mae marwolaethau gweithwyr wedi llunio gorffennol Cymru, ac yn parhau
hyd yn oed
heddiw, ychydig iawn sydd i ddangos
ein bod yn cofio amdanynt. Nododd rhai undebau llafur
Ddiwrnod Rhyngwladol Cofio Gweithwyr drwy gynnal ralïau,
ac yn y blaen, ond diwrnod yn
unig oedd hwnnw, a ddaeth i ben ac a anghofiwyd yn fuan. Mae’n sicr yn bryd
cael cofeb barhaol er cof
am holl weithwyr
Cymru. Mae cofebau
ar safle rhai o drychinebau’r gorffennol, fel Senghennydd a Gresffordd, ond nid oes dim i nodi
bywydau nifer o weithwyr eraill a fu farw wrth
eu gwaith. Byddai cofeb barhaol
i weithwyr yn dangos ein parch at yr holl weithwyr
hyn, a byddai hefyd yn llesol
ein hatgoffa o bwysigrwydd iechyd a diogelwch, sy’n cael eu difrïo’n
gyffredinol.
Gwybodaeth ategol:
Mae’n bum mlynedd eleni ers
cael Deddf Dynladdiad Corfforaethol 2007 – byddai’n braf iawn
gweld Llywodraeth Cymru’n cyhoeddi eleni ei bod am sefydlu cofeb barhaol
i’w datgelu yn 2014, sef 40 mlynedd ers cael
y Ddeddf Iechyd a Diogelwch yn y Gwaith. Elusen annibynnol yw Sefydliad
Bevan (rhif 104191) sy’n ymwneud â chyfiawnder cymdeithasol yng Nghymru. Rydym yn newid
Cymru drwy waith ymchwil a dadlau yn ein
cyhoeddiadau a’n digwyddiadau. I gael rhagor o wybodaeth,
ewch i www.bevanfoundation.org
Cyflwynwyd y ddeiseb gan: Bevan
Foundation
Ysytyriwyd am y tro cyntaf gan y Pwyllgor:
2 Hydref
2012
Nifer y llofnodion: 23
Math o fusnes: Deiseb
Rheswm dros ei ystyried: Busnes y Senedd;
Y Broses Ymgynghori
Hoffai’r Pwyllgor gael eich
barn ar P-04-410 Cofeb Barhaol i Weithwyr Cymru.
Dogfennau
- Llythyr ymgynghori PDF 916 KB
- Ymateb i'r Ymgynghoriad - PET (4) MEM 01 National Union of Mineworkers (Saesneg yn unig) PDF 921 KB
- Ymateb i'r Ymgynghoriad - PET(4) MEM 02 Cyngor Celfyddydau Cymru (Saesneg yn unig) PDF 531 KB
- Ymateb i'r Ymgynghoriad - PET(4) MEM 03 Cronfa Loteri Fawr (Saesneg yn unig) PDF 177 KB Gweld fel HTML (4) 36 KB
- Ymateb i'r Ymgynghoriad - PET(4) MEM 04 Unite (Saesneg yn unig) PDF 904 KB
- Ymateb i'r Ymgynghoriad- PET(4) MEM 05 Cronfa Dreftadaeth y Loteri (Saesneg yn unig) PDF 1 MB
- Ymateb i'r Ymgynghoriad - PET(4) MEM 06 Royal Society for the Prevention of Accidents (Saesneg yn unig) PDF 1 MB
- Ymateb i'r Ymgynghoriad - PET(4) MEM 07 TUC Cymru (Saesneg yn unig) PDF 94 KB Gweld fel HTML (8) 5 KB
- Ymateb i'r Ymgynghoriad - PET(4) MEM 08 Health & Safety Executive (Saesneg yn unig) PDF 86 KB Gweld fel HTML (9) 7 KB
Ymgynghoriadau
- Deiseb P-04-410 Cofeb Barhaol i Weithwyr Cymru (Wedi ei gyflawni)