P-03-307 Dylunio er mwyn arloesi yng Nghymru
P-03-307 Dylunio er mwyn arloesi yng Nghymru
Geiriad y ddeiseb:
Rydym yn galw ar Gynulliad
Cenedlaethol Cymru i annog Llywodraeth Cynulliad Cymru i ystyried y rôl bwysig y gallai dylunio ei chwarae
yng nghyd-destun arloesi, darparu gwasanaethau cymdeithasol a gweithredu polisïau a rhaglenni menter gymdeithasol. Mae’r alwad hon yn
dod yn
sgil ymrwymiad cynyddol gwledydd eraill ar draws y byd i’r agenda dylunio, ac yn baratoad ar gyfer
polisi arloesi newydd y disgwylir i’r Comisiwn Ewropeaidd
ei gyhoeddi. Mae’r polisi newydd
hwn yn debygol
o gynnwys diffiniad ehangach o arloesi, sef diffiniad sy’n
ymdrin â’r gwasanaethau a ddarperir yn y sector cyhoeddus, y sector preifat a’r sector mentrau cymdeithasol, ar delerau cydradd
â’r gweithgareddau traddodiadol a welir yn y maes ymchwil
a datblygu.
Mae dylunio eisoes yn digwydd yng
Nghymru, ac mae’r sector yn gyfrifol am gyfran mwy o ddiwydiannau
creadigol Cymru (22%) nag unrhyw sector arall. Mae’r diwydiannau creadigol a diwylliannol yn cyfrannu £465 miliwn at economi Cymru, ac mae
36% o’r cyfanswm hwn yn deillio
o’r sector ddylunio. Serch hynny, nid yw
hyn yn ddigonol.
Er bod y ffigyrau hyn yn galonogol,
ychydig iawn y mae busnesau yng
Nghymru yn manteisio ar botensial
dylunio; dim ond 17% o fusnesau sy’n
gwneud defnydd o ddylunio nwyddau a dylunio diwydiannol. Yn y sector cyhoeddus, mae dylunio
yn cael ei
ddefnyddio’n bennaf ar gyfer cyfathrebu,
ac mae’r potensial sydd ganddo i ddatblygu
systemau, gwasanaethau, nwyddau a phrosesau effeithiol yn cael
ei anwybyddu. Mae nifer o wledydd ar draws y byd wedi croesawu’r defnydd o ddylunio ar lefel polisi.
Os yw Cymru
am greu economi gystadleuol, creu nwyddau a gwasanaethau sy’n bodloni’r unigolyn a chroesawu arloesi yn y gymdeithas,
mae’n rhaid i’r Cynulliad Cenedlaethol
a Llywodraeth Cynulliad Cymru weithredu nawr er mwyn
defnyddio pwer dylunio yng nghyd-destun
arloesi.
Prif ddeisebydd:
Gavin Cawood
Nifer y deisebwyr:
369
Math o fusnes: Deiseb
Rheswm dros ei ystyried: Busnes y Senedd;
Dogfennau