Ymgynghoriad

Diben yr ymgynghoriad

Galwodd Pwyllgor yr Economi, Masnach a Materion Gwledig  am dystiolaeth ysgrifenedig ar gyfer ei ymchwiliad i'r economi werdd. Mae’r ymchwiliad yn canolbwyntio ar y cyfleoedd economaidd posibl a'r heriau sy'n ymwneud â'r economi werdd, a'r camau ymarferol y bydd angen i Lywodraeth Cymru eu cymryd mewn perthynas â'r rhain, gan weithio gydag eraill yn aml.

Sut i rannu eich barn

Roedd y Pwyllgor yn croesawu eich barn am unrhyw un, os nad pob un, o'r materion y cyfeirir atynt yn y cylch gorchwyl isod:

>>>> 

>>>O fewn ei phwerau datganoledig, beth ddylai blaenoriaethau allweddol Llywodraeth Cymru fod, i wneud y mwyaf o’r cyfleoedd economaidd posibl o sectorau’r economi werdd? I ba raddau y mae ei dull presennol yn adlewyrchu'r rhain?

>>>Beth yw’r rhwystrau allweddol i Gymru o ran gwneud y gorau o gyfleoedd yn yr economi werdd, a pha gamau y dylid eu cymryd i’w goresgyn?

>>>Pa gamau y dylai Llywodraeth Cymru eu cymryd i gefnogi’r gwaith o ddatblygu cadwyni cyflenwi yng Nghymru yn sectorau’r economi werdd?

>>>Pa heriau o ran sgiliau sy’n bodoli mewn perthynas â phontio i economi werdd? Pa gamau y dylid eu cymryd, a phwy ddylai eu cymryd, i sicrhau bod y sgiliau yno i fodloni gofynion cynyddol economi werdd?

>>>Beth fydd ei angen ar weithwyr a chyflogwyr ar gyfer pontio teg i economi Sero Net, a pha gamau y dylai Llywodraeth Cymru eu cymryd i gyflawni’r elfennau o hyn sydd o fewn ei phwerau datganoledig?

>>>Ym mha ffyrdd y bydd angen i Lywodraeth Cymru weithio mewn partneriaeth ag eraill i wireddu potensial yr economi werdd a sicrhau cyfnod pontio teg? I ba raddau y mae'r gwaith partneriaeth sydd ei angen yn cael ei wneud?

>>>Mae Llywodraeth Cymru yn dweud y bydd yn wynebu cyfyngiadau cyllidebol sylweddol yn y tymor byr. Sut y dylai flaenoriaethu buddsoddi i gefnogi’r gwaith o ddatblygu’r economi werdd yn y tymor byr a’r tymor hwy? Pa ddulliau ariannu arloesol y gellid eu hystyried i wneud y mwyaf o fuddsoddiad a buddion posibl?

<<< 

Y dyddiad cau ar gyfer cyflwyniadau ysgrifenedig oedd dydd Iau 7 Mawrth 2024.

Os oes gennych unrhyw gwestiynau pellach neu os hoffech ragor o wybodaeth, mae croeso i chi gysylltu â ni.

Cyflwyno Tystiolaeth Ysgrifenedig

Mae gan y Senedd ddwy iaith swyddogol, sef Cymraeg a Saesneg.

Yn unol â Chynllun Ieithoedd Swyddogol y Senedd, mae'r Pwyllgor yn yn  croesawu cyfraniadau yn y naill neu’r llall o’n hieithoedd swyddogol, neu’r ddwy, a gofynnwn i sefydliadau sy’n ddarostyngedig i Safonau’r Gymraeg neu gynlluniau iaith Gymraeg ymateb yn unol â’u rhwymedigaethau eu hunain. Rhowch wybod i’r Pwyllgor wrth gyflwyno ymatebion os ydych yn bwriadu darparu cyfieithiad yn ddiweddarach.