Ymgynghoriad

Mae'r Pwyllgor Diwylliant, y Gymraeg a Chyfathrebu yn cynnal ymchwiliad i ddyfodol S4C.

Mae'r Pwyllgor yn ystyried y materion a ganlyn:

• Beth fyddai'n cael ei gyfrif yn gyllid digonol ar gyfer y sianel. Er enghraifft, pwy ddylai ddarparu'r cyllid, a sut y dylid ei gyfrifo - a ddylid cael fformiwla ar ei gyfer? Sut y dylid cefnogi hyn drwy refeniw wedi'i gasglu gan S4C ei hun?
• Pa gylch gwaith statudol y dylai S4C ei gael. A yw ei gylch gwaith cyfredol yn addas ar gyfer darlledwr cyfoes? Os nad, sut y dylid ei newid? Sut ddylai'r cylch gorchwyl adlewyrchu swyddogaeth ddigidol darlledwyr modern?
• Pa strwythurau y dylai S4C eu cael ar gyfer llywodraethiant ac atebolrwydd. Er enghraifft, a ddylid datganoli cyfrifoldeb dros S4C i Gymru?
• Sut berthynas y dylai S4C ei chael â'r BBC.
• Gwelededd S4C: gan gynnwys materion megis amlygrwydd S4C ar y ddewislen deledu electronig ac ar setiau teledu clyfar.