Ymgynghoriad

Mae’r Pwyllgor Iechyd a Gofal Cymdeithasol wedi cytuno craffu ar y Rheoliadau Gofal a Chymorth (Cymhwystra) Cymru 2015 sydd i’w gwneud o dan Ddeddf Gwasanaethau Cymdeithasol a Llesiant (Cymru) 2014. Cyhoeddwyd y Rheoliadau drafft gan Lywodraeth Cymru ar 8 Mai, a bydd cyfnod craffu o 60 diwrnod cyn caiff cynnig i’w cymeradwo cael ei hystyried gan y Cynulliad. Yn ystod y cyfnod yma, byddai’r Pwyllgor yn gwerthfawrogi derbyn barn rheini sydd â diddordeb ar y Rheoliadau drafft. Dylid ystyried y Rheoliadau drafft ynghŷd â’r Côd Ymarfer ar gyfer weithredu swyddogaethau’n ymwneud â rhan 4 (Diwallu Anghenion) o Ddeddf Gwasanaethau Cymdeithasol a Llesiant (Cymru) 2014 [Saesneg yn unig] (PDF, 707KB)

Gofynnodd y Pwyllgor am safbwyntiau ar y canlynol:

• a fydd y Rheoliadau drafft a’r Cod Ymarfer fel y’u drafftiwyd:
• yn cyflawni’r amcanion a ddymunir gan y Ddeddf;
• yn briodol i sicrhau’r mynediad cywir at ofal a chymorth i bobl sydd ei angen yng Nghymru;
• yn mynd i’r afael yn ddigonol â phryderon a godwyd yn flaenorol;  
• a yw hi’n debygol y bydd unrhyw rwystrau i weithredu’r darpariaethau; a
• beth fydd canlyniadau tebygol y Rheoliadau drafft a’r Cod Ymarfer i ddefnyddwyr gwasanaeth a gofalwyr y presennol a’r dyfodol. 

Tystiolaeth gan y cyhoedd

Cynhaliodd y Pwyllgor ymgynghoriad cyhoeddus i gasglu tystiolaeth ar y pwnc hwn. Daeth yr ymgynghoriad i ben ar 29 Mai 2015.

Yn dilyn y sesiynau tystiolaeth lafar ar 11 Mehefin 2015, cytunodd y Pwyllgor i ysgrifennu at y Gweinidog Iechyd a Gwasanaethau Cymdeithasol i amlygu ei bryderon ynghylch y Cod Ymarfer ar arfer swyddogaethau gwasanaethau cymdeithasol mewn perthynas â rhan 4 (diwallu anghenion).

Llythyr y Pwyllgor

Ysgrifennodd y Pwyllgor at y Gweinidog Iechyd a Gwasanaethau Cymdeithasol (PDF, 327 KB) ar 7 Gorffennaf 2015. Cafodd y Pwyllgor  ymateb (PDF, 37 KB) i’w lythyr ym mis Gorffennaf 2015.

Dadl yn y Cyfarfod Llawn

Cynhaliwyd y ddadl ar y rheoliadau yn y Cyfarfod Llawn ar 14 Gorffennaf. Cymeradwywyd y Rheoliadau gan y Cynulliad.

Ym mis Hydref 2015, cafwyd y wybodaeth ddiweddaraf gan y Gweinidog Iechyd a Gwasanaethau Cymdeithasol (llythyr [PDF, 80KB], atodiad (Saesneg yn unig) [PDF, 455KB]) am y newidiadau i’r Codau Ymarfer ynghylch Rhannau 3 a 4 o’r Ddeddf Gwasanaethau Cymdeithasol a Llesiant (Cymru) 2014.