Agenda a Chofnodion

Croesawodd y Cadeirydd John Griffiths AC i'r cyfarfod fel aelod parhaol o'r Pwyllgor. Diolchodd y Cadeirydd i Dawn Bowden AC am ei chyfraniad at waith y Pwyllgor.

Datganodd Andrew R.T. Davies AC fuddiant fel ffermwr.

Lesley Griffiths AM, Ysgrifennydd y Cabinet dros Ynni, Cynllunio a Materion Gwledig

Tim Render, Cyfarwyddwr, Tir, Natur a Bwyd

Christianne Glossop, Prif Swyddog Milfeddygol Cymru

Keith Smyton, Pennaeth yr Is-adran Fwyd

Holodd y Pwyllgor Lesley Griffiths AC, Ysgrifennydd y Cabinet dros Ynni, Cynllunio a Materion Gwledig ynghylch ymateb Llywodraeth Cymru i'r adroddiad, Ailfeddwl am Fwyd yng Nghymru: Caffael Cyhoeddus mewn cysylltiad â Bwyd.

Yn ystod y sesiwn, cytunodd Ysgrifennydd y Cabinet y byddai'n:

•        rhannu â'r Pwyllgor gopi o'i gohebiaeth ddiweddar â Michael Gove, Ysgrifennydd Gwladol yr Amgylchedd, Bwyd a Materion Gwledig, ynghylch y darpariaethau ar gyfer ardoll cig coch ym Mil Amaethyddiaeth y DU;

•        rhoi manylion pellach i'r Pwyllgor am y camau a gymerwyd ganddi, a'r rhai y mae'n bwriadu eu cymryd, i gynyddu capasiti ac arbenigedd yn ei hadran i baratoi ar gyfer ymadawiad y DU â'r Undeb Ewropeaidd, gan gynnwys:

i.        cadarnhau cyfanswm y staff a recriwtiwyd a'r swyddi gwag sydd eto i'w llenwi, a

ii.       cyfanswm y cyllid a ddyrennir o gyllideb ei hadran i dalu am gost staff ychwanegol a'r gost cyfle cysylltiedig; ac

•        egluro am ba hyd y datgymhwysir paragraff 6.2 o TAN 1.

Nododd y Pwyllgor yr ohebiaeth gan Gadeirydd y Pwyllgor Materion Cyfansoddiadol a Deddfwriaethol at Ysgrifennydd y Cabinet dros Ynni, Cynllunio a Materion Gwledig mewn perthynas â Bil Amaethyddiaeth y DU.

Penderfynodd y Pwyllgor wahardd y cyhoedd o weddill y cyfarfod.

Trafododd y Pwyllgor y drafodaeth a gafwyd gan Ysgrifennydd y Cabinet dros Ynni, Cynllunio a Materion Gwledig. Gofynnodd yr aelodau am y canlynol:

Nodyn gan y Gwasanaethau Cyfreithiol ar gymhwysedd deddfwriaethol y Cynulliad mewn perthynas â labelu bwyd, a

Nodyn gan y Gwasanaeth Ymchwil ar y darpariaethau ym Mil Amaethyddiaeth Ffrainc sy'n ymwneud â chaffael cyhoeddus mewn cysylltiad â bwyd.