Agenda a Chofnodion

Gweld trawsgrifiad o'r cyfarfod (PDF 646KB) Gweld fel HTML (284KB)

Croesawodd y Cadeirydd yr Aelodau.

Yr Athro Michael Waters, Prifysgol Wolverhampton

Clywodd y Pwyllgor dystiolaeth gan yr Athro Michael Waters, Prifysgol Wolverhampton.

Consortia Addysg Rhanbarthol

Dr Kevin Palmer, Gwasanaeth Cyflawni Addysg De Ddwyrain Cymru

Anna Brychan, Gwasanaeth Addysg ar y Cyd Consortiwn Canolbarth y De

Betsan O'Connor, Ein Rhanbarth ar Waith

Rhys Howard Hughes, GwE

Mae’r wybodaeth ychwanegol a ofynnwyd amdani gan y Pwyllgor ar safonau proffesiynol i lywio’r Ymchwiliad ar Addysg a Dysgu Proffesiynol Athrawon ar gael mewn pecyn atodol ar wahân.  

Clywodd y Pwyllgor dystiolaeth gan y Consortia Addysg Rhanbarthol.

Cytunodd Aelodau'r Pwyllgor i newid trefn y gwelliannau.

Mae’r holl bapurau i’w nodi ar gael mewn pecyn atodol ar wahân.  

CYPE(5)-24-17 – Papurau 4 - 22

Nodwyd y papurau.

Yn y ddadl ar Adroddiad y Pwyllgor Plant, Pobl Ifanc ac Addysg ar ei ymchwiliad i'r Ddarpariaeth o ran Eiriolaeth Statudol, un o'r argymhellion a gytunwyd oedd bod Ysgrifennydd y Cabinet yn rhoi'r wybodaeth ddiweddaraf am y dull gweithredu cenedlaethol i'r Pwyllgor. Mae'r llythyr hwn yn rhoi'r wybodaeth ddiweddaraf.

Mae'r Pwyllgor Cyllid wedi cytuno ar ei ddull gweithredu o ran craffu ar y gyllideb. Mae'r Cadeirydd wedi ysgrifennu at holl Gadeiryddion y pwyllgorau pwnc i rannu ei syniadau ac i annog y pwyllgorau i ystyried sut y gallant gyfrannu at y broses fwyaf cydlynol ac effeithiol o graffu ar gynlluniau gwariant y Llywodraeth.

Ysgrifennodd y Cadeirydd at Ysgrifennydd y Cabinet i ofyn am y wybodaeth ddiweddaraf am ysgolion bro, a darperir y wybodaeth yn y llythyr.

Mae'r llythyr hwn yn rhoi'r wybodaeth ddiweddaraf am brosiect y Senedd Ieuenctid.

Mae'r Pwyllgor Plant, Pobl Ifanc ac Addysg wedi cael copi o ymateb a anfonwyd at y Pwyllgor Deisebau ynglŷn â CAMHS. 

Cynhaliodd y Pwyllgor Cyfrifon Cyhoeddus ymchwiliad byr i ganfyddiadau memorandwm yr Archwilydd Cyffredinol ar 'Sicrhau gwelliannau yn y cymorth i ysgolion trwy gonsortia addysg rhanbarthol - adolygiad o'r cynnydd' - Cafodd nifer o faterion yn ymwneud â phortffolio'r Pwyllgor Plant, Pobl Ifanc ac Addysg eu codi a'u crynhoi yn y llythyr hwn.

Ymateb Ysgrifennydd y Cabinet i'r camau a godwyd yn dilyn y sesiwn dystiolaeth ar 12 Gorffennaf. 

Mae'r Crwner wedi ymateb i gais y Pwyllgor am wybodaeth yn ymwneud â chwest y tynnwyd sylw'r Pwyllgor ato yn ystod ei ddigwyddiad i randdeiliaid ar iechyd meddwl amenedigol.

Ysgrifennodd y Pwyllgor at yr holl Fyrddau Iechyd Lleol yn gofyn am wybodaeth ychwanegol ynglŷn â chefnogaeth seicolegol ar gyfer yr ymchwiliad. Mae'r llythyrau'n rhoi manylion y wybodaeth a ddaeth i law. 

Mae'r llythyr yn ymateb i lythyr y Cadeirydd ar 10 Gorffennaf ac yn croesawu bwriad y Pwyllgor i barhau i adolygu gwaith ieuenctid ledled Cymru ac i fonitro gwaith Llywodraeth Cymru yn fanwl yn y maes hwn.

Mae'r llythyr hwn yn rhoi'r wybodaeth ddiweddaraf am ddatblygiadau ym maes teithio i ddysgwyr yng Nghymru ac i ba raddau y mae awdurdodau lleol yn cydymffurfio â deddfwriaeth a chanllawiau ym maes teithio i ddysgwyr.

Ysgrifennodd y Pwyllgor at Ysgrifennydd y Cabinet yn gofyn am eglurhad ynglŷn â pherthynas nyrsys ysgol â dysgwyr sydd â chyflyrau iechyd hirdymor neu gronig, ac yn holi pam nad oes cyfeiriad yn y Fframwaith diwygiedig at ganllawiau ar anghenion gofal iechyd presennol. Mae hwn yn ymateb i'r llythyr hwnnw.

Trafododd y Pwyllgor hyn yn y cyfarfod ar 20 Gorffennaf. Dyma'r ymateb a anfonwyd ar ran y Pwyllgor at y Llywydd.

Mae'r holl lythyrau isod yn cyfeirio at y dyddiad ar gyfer y prif ddiwrnod penodedig.

Papur i’w nodi 17 - Llythyr gan y Cadeirydd at y Llywydd - Gweithredu Deddf Cymru 2017

Papur i’w nodi 18 - Llythyr gan y Llywydd at y Cadeirydd - Gweithredu Deddf Cymru 2017

Papur i’w nodi 19 - Llythyr gan y Llywydd at y Gwir Anrhydeddus Alun Cairns AS - y prif ddiwrnod penodedig

Ymateb i'r camau gweithredu a godwyd yn dilyn y sesiwn dystiolaeth ar 20 Gorffennaf. 

Mae'r ohebiaeth hon yn rhoi manylion yr Asesiad Effaith Rheoleiddiol diwygiedig a gyhoeddwyd ar 8 Medi a'r wybodaeth ddiweddaraf gan y Gweinidog ar weithredu'r Rhaglen Trawsnewid Anghenion Dysgu Ychwanegol.

Mae'r Cadeirydd wedi ysgrifennu at Ysgrifennydd y Cabinet yn gofyn am wybodaeth ychwanegol ar gyfer yr ymchwiliad

Derbyniwyd y cynnig.

Trafododd y Pwyllgor y dystiolaeth a glywyd yn ystod y cyfarfod.

Trafododd y Pwyllgor yr adroddiad drafft. Derbyniwyd yr adroddiad drafft, yn amodol ar rai mân newidiadau.

Trafododd y Pwyllgor yr adroddiad drafft a chytunodd arno.

Trafodwyd paratoadau ar gyfer ymweliadau ar 28 Medi gyda'r Aelodau.