Agenda a Chofnodion

1.1        Yn absenoldeb Cadeirydd y Pwyllgor, cafodd Adam Price AC ei enwebu gan Rhianon Passmore AC i'w ethol fel Cadeirydd dros dro o dan Reolau Sefydlog 17.22 a 18.6. Cytunodd y Pwyllgor ac etholwyd Adam Price AC fel Cadeirydd dros dro yn absenoldeb Nick Ramsay AC.

1.2        Croesawodd y Cadeirydd dros dro yr Aelodau i'r cyfarfod Pwyllgor.

1.3        Cafwyd ymddiheuriadau gan Nick Ramsay AC a Jack Sargeant AC.

2.1 Cafodd y papurau eu nodi.

2.2 Cytunwyd y byddai'r Clercod yn anfon Adroddiad yr Archwilydd Cyffredinol ar Wasanaethau Llywodraeth Leol i Gymunedau Gwledig ymlaen at y Pwyllgor Newid Hinsawdd, Amgylchedd a Materion Gwledig; Pwyllgor yr Economi, Seilwaith a Sgiliau a'r Pwyllgor Cydraddoldeb, Llywodraeth Leol a Chymunedau.

Papur briffio gan y Gwasanaeth Ymchwil

PAC(5)-31-18 Papur 1 – Adroddiad Archwilydd Cyffredinol Cymru

PAC(5)-31-18 Papur 2 – Ymateb gan Lywodraeth Cymru

3.1 Briffiodd yr Archwilydd Cyffredinol yr Aelodau ar yr adroddiad, sef rheoli apwyntiadau cleifion allanol ar draws Cymru.

3.2 Cytunodd y Pwyllgor i gynnal ymchwiliad i'r mater hwn os na all y Pwyllgor Iechyd, Gofal Cymdeithasol a Chwaraeon drefnu'r mater hwn yn ei raglen waith.

Papur briffio gan y Gwasanaeth Ymchwil

PAC(5)-31-18 Papur 3 – Adroddiad Archwilydd Cyffredinol Cymru

4.1 Briffiodd yr Archwilydd Cyffredinol yr Aelodau ar y gwasanaethau radioleg – adroddiad cryno cenedlaethol.

4.2 Nododd y Pwyllgor y llwybr cadarnhaol yn y maes hwn a chytunodd i ofyn am ddiweddariadau ysgrifenedig rheolaidd gan Lywodraeth Cymru sy'n nodi'r cynnydd wrth gyflawni'r cynllun gweithredu cenedlaethol.

PAC(5)-31-18 Papur 4 – Blaenraglen Waith

PAC(5)-31-18 Papur 5 – Gohebiaeth gan Darren Millar AC ynghylch ward Tawel Fan yn Ysbyty Glan Clwyd (6 Tachwedd 2018)

PAC(5)-31-18 Papur 6 – Datganiad gan Ysgrifennydd y Cabinet dros Iechyd a Gwasanaethau Cymdeithasol ar y wybodaeth ddiweddaraf am y mesurau arbennig ar gyfer Bwrdd Iechyd Prifysgol Betsi Cadwaladr (6 Tachwedd 2018)

5.1 Nododd yr Aelodau Flaenraglen Waith y Pwyllgor ar gyfer tymor hydref 2018 a chytuno i wneud y canlynol:

·         Cynnal ymchwiliad i'r Fenter Twyll Genedlaethol;

·         Gwneud gwaith allgymorth fel rhan o'r ymchwiliad i Wasanaeth Meddygon Teulu y Tu Allan i Oriau;

·         Gofyn am ddiweddariad ar reoli iechyd meddwl ar ôl yr adolygiadau a gynhaliwyd i ward Tawel Fan yn Ysbyty Glan Clwyd ynghyd â diweddariad ar y system cymorth ac ymyriad ehangach a dargedir gan y llywodraeth sydd ar waith ym Mwrdd Iechyd Prifysgol Betsi Cadwaladr;

·         Cynnal ymchwiliad i Gyllid Busnes yn nhymor haf 2019;

·         Cynnal ymchwiliad i drefniadau llywodraethu yn Llywodraeth Cymru yn nhymor haf 2019; a

·         Nodi y trefnir i'r Archwilydd Cyffredinol gyhoeddi adroddiad i gostau gweithwyr asiantaeth a locwm GIG Cymru yng ngwanwyn 2019 a, chan ddibynnu ar ganfyddiadau'r adroddiad, gynnal ymchwiliad.