Agenda a Chofnodion

1.1       Croesawodd y Cadeirydd yr Aelodau i gyfarfod cyntaf Pwyllgor Cyfrifon Cyhoeddus y Pumed Cynulliad.

1.2       Cafwyd ymddiheuriadau gan Mike Hedges AC a Rhun ap Iorwerth AC. Nid oedd unrhyw ddirprwyon.

1.3       Cyflwynodd y swyddogion sy'n cefnogi'r Pwyllgor eu hunain i'r Aelodau.

1.4       Cyflwynodd Huw Vaughan Thomas, Archwilydd Cyffredinol Cymru, ei hun i'r Aelodau.

Eitem 3

2.1 Derbyniwyd y cynnig.

PAC(5)-01-16 papur 1 – Papur am rolau a chyfrifoldebau’r Pwyllgor

PAC(5)-01-16 papur 2 – Adroddiad Etifeddiaeth Pwyllgor y Pedwerydd Cynulliad

PAC(5)-01-16 papur 3 – Memorandwm gan Archwilydd Cyffredinol Cymru

PAC(5)-01-16 papur 4 – Archwilydd Cyffredinol Cymru – Cynllun Blynyddol 2015-16

3.1 Cyflwynodd y Cadeirydd bapurau 1 a 2 i'r Pwyllgor. Ystyriodd yr Aelodau y papurau a chytuno i graffu ar gyfrifon blynyddol nifer o sefydliadau a ariennir gan drethdalwyr yn ystod tymor yr hydref.

3.2 Eglurodd Archwilydd Cyffredinol Cymru ei rôl a'i gyfrifoldebau cyswllt â'r Pwyllgor, a chyflwynodd bapurau 3 a 4.

3.3 Nododd y Pwyllgor ei gyfrifoldebau ac ar ôl trafodaeth, cytunodd yr Aelodau ar raglen waith gychwynnol gan awgrymu nifer o feysydd posibl ar gyfer ymchwiliad dan arweiniad y Pwyllgor.

3.4 Yn dilyn awgrym, cytunodd y Cadeirydd i ysgrifennu at Gadeirydd y Pwyllgor Diwylliant, y Gymraeg a Chyfathrebu i ofyn i’r Pwyllgor drafod cyfrifon blynyddol y BBC pan fydd yn edrych ar adroddiad blynyddol y sefydliad.