Agenda a Chofnodion

Gweld trawsgrifiad o'r cyfarfod (PDF 999KB) Gweld fel HTML (999KB)

1.1       Croesawodd y Cadeirydd yr Aelodau i'r cyfarfod.

1.2       Cafwyd ymddiheuriadau gan Mohammad Asghar AC a Lee Waters AC. Ni chafwyd dirprwyon. Roedd Rhianon Passmore AC yn absennol.

2.1 Cafodd y papurau eu nodi.

Papur briffio gan y Gwasanaeth Ymchwil

PAC(5)-15-17 Papur 1 – Cyfrifon Blynyddol Cyfoeth Naturiol Cymru 2015-16

PAC(5)-15-17 Papur 2 - Archwilydd Cyffredinol Cymru Memorandwm

David Sulman - Cyfarwyddwr Gweithredol, Cymdeithas Cynnyrch Coedwigoedd y Deyrnas Unedig

3.1 Clywodd y Pwyllgor dystiolaeth gan David Sulman, Cyfarwyddwr Gweithredol, Cymdeithas Cynhyrchion Coedwig y DU fel rhan o'i ymchwiliad i'r gwaith craffu ar  Adroddiad Blynyddol a Chyfrifon 2015-16 Cyfoeth Naturiol Cymru.

Eitemau 5 a 7

4.1 Derbyniwyd y cynnig.

5.1 Trafododd yr Aelodau y dystiolaeth a dderbyniwyd gan Mr Sulman.

Papur briffio gan y Gwasanaeth Ymchwil

PAC(5)-15-17 Papur 3 – Adroddiad Archwilydd Cyffredinol Cymru: Datblygu Cyfoeth Naturiol Cymru

PAC(5)-15-17 Papur 4 – Gwybodaeth ychwanegol gan Cyfoeth Naturiol Cymru

PAC(5)-15-17 Papur 5 - Cyfoeth Naturiol Cymru – Adroddiad Archwilio Mewnol: Contractau Hirdymor ynghylch Gwerthu Pren (Mai 2017)

Dr Emyr Roberts, Prif Weithredwr

Kevin Ingram – Cyfarwyddwr Gweithredol Cyllid a Gwasanaethau Corfforaethol

3.1 Craffodd y Pwyllgor ar Dr Emyr Roberts, y Prif Weithredwr, a Kevin Ingram, Cyfarwyddwr Gweithredol Gwasanaethau Cyllid a Chorfforaethol Cyfoeth Naturiol Cymru o ran Adroddiad Blynyddol a Chyfrifon 2015-16 Cyfoeth Naturiol Cymru.

6.2 Craffodd yr Aelodau ar Dr Emyr Roberts a Kevin Ingram ar adroddiad Archwilydd Cyffredinol Cymru ar Ddatblygu Cyfoeth Naturiol Cymru a gyhoeddwyd ym mis Chwefror 2016.

6.3 Cytunodd Dr Roberts i anfon diweddariad ar ddangosyddion perfformiad CNC a chynnwys cymhariaeth blwyddyn wrth flwyddyn er mwyn galluogi'r Pwyllgor i asesu tueddiadau mewn perfformiad.

7.1 Bu'r Aelodau yn trafod y dystiolaeth a ddaeth i law wrth graffu ar Adroddiad Blynyddol a Chyfrifon 2015-16 Cyfoeth Naturiol Cymru. Nid oedd rhai Aelodau'n fodlon ar y dull a gymerwyd gan CNC at yr ymarfer tendro yn 2012 a nodwyd bod gwrthdaro o ran tystiolaeth gan y ddwy set o dystion ynghylch y mater hwn. Gofynnwyd i'r Clercod archwilio ymhellach gyda Mr Sulman beth oedd cyflwr y farchnad bren a beth oedd e'n teimlo y gallai CNC fod wedi'i wneud i ehangu cwmpas y tendr.

7.2 Nododd yr Aelodau y bydd yr adroddiad drafft ar gael iddynt i'w drafod yng Nghyfarfod y Pwyllgor ar 5 Mehefin.

7.3 Trafododd yr Aelodau'r dystiolaeth a dderbyniwyd gan Gyfoeth Naturiol Cymru yn dilyn craffu ar adroddiad Archwilydd Cyffredinol Cymru. Cytunwyd y bydd y Cadeirydd yn ysgrifennu at Gadeirydd y Pwyllgor Newid Hinsawdd, Amgylchedd a Materion Gwledig â materion y mae'r Pwyllgor yn dymuno iddynt gael eu cynnwys yng ngwaith craffu blynyddol y Pwyllgor ar CNC yn nhymor yr hydref.