Cofnodion
Lleoliad arfaethedig: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Aled Elwyn Jones
Rhif | Eitem |
---|---|
Cyflwyniadau, ymddiheuriadau a dirprwyon |
|
Cofnodion o'r cyfarfod blaenorol Cofnodion: Cytunodd y Pwyllgor ar gofnodion y cyfarfod ar gyfer eu cyhoeddi. |
|
Trefn busnes |
|
Busnes yr wythnos hon Cofnodion: Dydd Mawrth ·
Ychwanegodd y
Llywodraeth ddatganiad newydd at agenda Cyfarfod Llawn ddydd Mawrth: Datganiad
gan Ysgrifennydd y Cabinet dros Gyllid: Cyfarfod Cydbwyllgor y Gweinidogion
(Trafodaethau’r UE), 22 Chwefror 2018 (45 munud). Gohiriwyd y Datganiad gan
Ysgrifennydd y Cabinet dros Iechyd a Gwasanaethau Cymdeithasol: Y Diweddaraf am
Ymchwiliad y DU i Waed Heintiedig tan 13 Mawrth. ·
Cynhelir y
Cyfnod Pleidleisio ar ôl yr eitem olaf o fusnes. Dydd Mercher ·
Gohiriwyd y Ddadl
Fer tan 14 Mawrth. Cynhelir y Cyfnod Pleidleisio fel yr eitem olaf o fusnes. |
|
Amserlen Busnes y Llywodraeth ar gyfer y tair wythnos nesaf Cofnodion: Dosbarthodd y Llywodraeth amserlen ddiwygiedig i Reolwyr Busnes ar gyfer y
tair wythnos nesaf. Cafodd yr
ychwanegiadau a ganlyn eu nodi yn y Datganiad a chyhoeddiad busnes yn y modd
arferol: Dydd Mawrth 6 Mawrth 2018 ·
Cynnig i
drafod y ddwy eitem ganlynol gyda'i gilydd ond gyda phleidleisiau ar wahân (60
munud): -
Cynnig o dan
Reol Sefydlog 26.95 i drin Bil a gaiff ei alw’n y Bil Cyfraith sy'n Deillio o'r
Undeb Ewropeaidd (Cymru) fel Bil Brys y Llywodraeth. -
Cynnig o dan
Reol Sefydlog 26.98(ii) i gytuno ar amserlen ar gyfer y Bil a gaiff ei alw’n y
Bil Cyfraith sy'n Deillio o'r Undeb Ewropeaidd (Cymru) |
|
Amserlen Busnes y Cynulliad ar gyfer y tair wythnos nesaf Cofnodion: Penderfynodd y Pwyllgor Busnes ar drefn busnes y Cynulliad a chytunodd i
gynnwys yr eitemau o fusnes a ganlyn ar yr amserlen: Dydd Mercher 7
Mawrth 2018 - ·
Datganiad gan
Gadeirydd y Pwyllgor Safonau Ymddygiad: Urddas a Pharch yn y Cynulliad (30
munud) ·
Dadl ar adroddiad
y Pwyllgor Materion Cyfansoddiadol a Deddfwriaethol ynghylch Craffu ar
Reoliadau a wnaed o dan Fil yr Undeb Ewropeaidd (Ymadael) (60 munud)
Dydd Mercher
14 Mawrth 2018 – ·
Amser a
neilltuwyd i Blaid Cymru (60 munud)
Dydd Mercher
21 Mawrth 2018 – ·
Dadl: Egwyddorion Cyffredinol Bil Ombwdsmon
Gwasanaethau Cyhoeddus (Cymru) (60 munud) ·
Dadl Aelodau o
dan Reol Sefydlog 11.21(iv) (60 munud) ·
Amser a
neilltuwyd i Blaid Annibyniaeth y Deyrnas Unedig (60 munud) |
|
Dadl Aelodau: Dewis y Cynnig ar gyfer y Ddadl Cofnodion: ·
Dewisodd
Rheolwyr Busnes gynnig i'w drafod ar 7 Mawrth: NNDM6666 Mark Isherwood Adam Price Dai Lloyd Cynnig bod Cynulliad Cenedlaethol
Cymru: 1. Yn nodi bod gwasanaethau
trafnidiaeth gymunedol yn chwarae rhan hanfodol yn ein cymunedau, yn darparu
trafnidiaeth ar gyfer pobl sy'n wynebu rhwystrau rhag defnyddio trafnidiaeth
gyhoeddus a phreifat, yn cefnogi pobl i fyw'n annibynnol a chael mynediad i
wasanaethau hanfodol, gan hefyd liniaru materion yn ymwneud ag unigrwydd ac
arwahanrwydd. 2. Yn nodi'r pryder am ymghynghoriad
presennol Adran Drafnidiaeth y DU ar drwyddedau trafnidiaeth cymunedol (adran
19/22) ac effaith bosibl hyn ar wasanaethau yng Nghymru. 3. Yn galw ar Lywodraeth Cymru i: a) gweithio mewn partneriaeth â'r
sector trafnidiaeth gymunedol a chyrff cyhoeddus i sicrhau bod y sector yn
gallu parhau yn ei rôl unigryw gan ddarparu dewisiadau trafnidiaeth pwrpasol ar
gyfer pobl sy'n agored i niwed, er mwyn sicrhau mynediad i wasanaethau tra bod
y broses ymgynghori yn mynd rhagddi; b) datblygu cynlluniau wrth gefn i
liniaru unrhyw effaith ar ddarpariaeth trafnidiaeth drwy wasanaethau bws mini a
gyflenwir drwy drwyddedau adran 19 a 22; c) cyhoeddi strategaeth glir sy'n
cydnabod yr agwedd drawsbynciol ar ddarparu trafnidiaeth gymunedol ar draws
adrannau Llywodraeth Cymru wrth gyflawni nodau strategol Llywodraeth Cymru; d) darparu sefydlogrwydd sydd ei
fawr angen ar gyfer y sector drwy symud tuag at gytundebau ariannu tair blynedd
i alluogi sefydliadau i ddatblygu a bwrw ymlaen â chynlluniau, i sicrhau mwy o
gynaliadwyedd a dull mwy strategol o ddarparu gwasanaethau; ac e) sicrhau ymgysylltiiad â
phartneriaid perthnasol a rhanddeiliaid ledled Cymru i lywio ymateb Llywodraeth
Cymru i'r ymgynghoriad, ac i sicrhau dealltwriaeth yn y sector o safbwynt
Llywodraeth Cymru. Ymgynghoriad Adran Drafnidiaeth y
DU ar drwyddedau trafnidiaeth cymunedol (Saesneg yn unig) ·
Cytunodd Rheolwyr
Busnes i gynnal y Ddadl Aelodau nesaf ar 21 Mawrth, a dewisiwyd y cynnig a
ganlyn: NNDM6665 Jenny Rathbone Jane Hutt Bethan Jenkins Dai Lloyd David Melding Julie Morgan Cynnig bod Cynulliad Cenedlaethol
Cymru: 1. yn gresynu at y ffaith: a) bod polisïau cyfiawnder troseddol
ar gyfer Cymru a Lloegr wedi methu ag atal y cynnydd yn nifer y bobl sy'n cael
eu carcharu; b) nad yw amodau'r carchardai lle y
mae gormod o garcharorion o Gymru yn cael eu cadw yn ffafriol i adsefydlu, fel
yr amlygwyd gan adroddiadau arolygu diweddar ar CEM Abertawe a CEM Lerpwl; c) bod 47 y cant o garcharorion yn
aildroseddu o fewn blwyddyn; d) nad yw'r rhan fwyaf o
argymhellion adroddiad Corston o 2007 am drin troseddwyr sy'n fenywod wedi'u
gweithredu eto, gan anwybyddu'r dystiolaeth bod carcharu menywod ar gyfer
troseddau cymharol ddibwys yn amharu ar fywydau eu plant mewn ffordd sylweddol,
costus ac na ellir ei chyfiawnhau. 2. Yn galw ar Lywodraeth Cymru a
Llywodraeth y DU i: a) treialu modelau amgen o gosbi
troseddwyr di-drais o Gymru yng Nghymru er mwyn osgoi amharu ar y teulu, tai a
chysylltiadau cyflogaeth sy'n elfennau hanfodol i adsefydlu llwyddiannus; b) hyrwyddo gwaith cydgysylltiedig
gwell rhwng gwasanaethau iechyd, tai a chyfiawnder troseddol i frwydro yn erbyn
y cynnydd mewn digartrefedd a salwch meddwl ymysg pobl sy'n gadael carchar; c) datblygu polisi cosbi Cymreig
penodol ar sail y dystiolaeth o'r hyn sy'n gweithio; 3. Yn galw am ddatganoli cyfiawnder
troseddol yn y pen draw, ynghyd â'r adnoddau i adsefydlu troseddwyr mewn modd
ataliol ac adferol, gan roi terfyn ar y drws troi rhwng y carchar ac
ail-droseddu. Adroddiad y Swyddfa Gartref -
Adroddiad Corston (Saesneg yn unig) Women in Prison - The Corston
Report 10 Years On (Saesneg yn unig) |
|
Deddfwriaeth |
|
Llythyr gan Gadeirydd y Pwyllgor Materion Cyfansoddiadol a Deddfwriaethol: Memorandwm Cydsyniad Deddfwriaethol: Bil Masnach Cofnodion: Cytunodd y Rheolwyr Busnes i ymestyn y dyddiad cau ar gyfer cyflwyno
adroddiad o 27 Chwefror i 16 Mawrth. |
|
Rheolau Sefydlog |
|
Adran 116C – Pŵer i ychwanegu trethi datganoledig newydd Cofnodion: Trafododd y Rheolwyr Busnes y papur, gan gytuno i ysgrifennu at y Pwyllgor
Cyllid a'r Pwyllgor Materion Cyfansoddiadol a Deddfwriaethol ynghylch yr
opsiynau arfaethedig, gan egluro eu bod yn gofyn eu barn ar y weithdrefn ar
gyfer datganoli trethi ac nid y trethi eu hunain. Nododd Arweinydd y Tŷ y byddai'r
Llywodraeth yn fodlon ag opsiwn B neu opsiwn C, ond nid yw'n credu y byddai
opsiwn A yn ymarferol. |
|
Bil yr UE (Ymadael) |
|
Craffu ar reoliadau sy'n deillio o Fil yr UE (Ymadael) Cofnodion: Nododd y Rheolwyr Busnes y papur. |
|
Ymadael â'r Undeb Ewropeaidd – y wybodaeth ddiweddaraf i'r Pwyllgor Busnes Cofnodion: Nododd y Rheolwyr Busnes y papur. |