Cofnodion

Cytunodd y Pwyllgor ar gofnodion y cyfarfod ar gyfer eu cyhoeddi.

Dydd Mawrth

·         Cynhelir y Cyfnod Pleidleisio ar ôl yr eitem olaf o fusnes.

Dydd Mercher

Cynhelir y Cyfnod Pleidleisio cyn y Ddadl Fer.

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 14 Mawrth 2018 -

·         Dadl ar Gynnig Deddfwriaethol gan Aelod (30 munud)

·         Dadl ar adroddiad y Pwyllgor Plant, Pobl Ifanc ac Addysg ar Addysg a Dysgu Proffesiynol Athrawon (60 munud)

·         Amser a neilltuwyd i Blaid Annibyniaeth y Deyrnas Unedig (60 munud)

Penderfynodd y Rheolwyr Busnes y dylid trafod y materion hyn yn y papur ehangach ar y Rheolau Sefydlog, ac roeddent yn fodlon ar adael y cyfeiriad at adran 29 yn Rheolau Sefydlog 17.7 a 17.8 yn y tymor byr, er gwaethaf y ffaith bod adran 29 o'r Ddeddf wedi ei diddymu.  Nododd y Llywydd y byddai angen i'r Pwyllgor Busnes ddychwelyd i fater d'Hondt pe na bai adolygiad eang o'r Rheolau Sefydlog yn cael ei gynnal.

Cytunodd y Rheolwyr Busnes i'r newid o ran y Gyllideb Ddrafft (ceir manylion yn Atodiad A i'r papur).  Ni allai'r Rheolwyr Busnes gytuno ar unrhyw un o'r cynigion ar Raglen Ddeddfwriaethol Llywodraeth Cymru, ac felly mae gofynion  y Rheolau Sefydlog presennol ar gyfer dadl flynyddol yn parhau.