Cofnodion

Cytunodd y Pwyllgor ar gofnodion y cyfarfod ar gyfer eu cyhoeddi.

Dydd Mawrth

·         Ychwanegodd y Llywodraeth ddatganiad at agenda Cyfarfod Llawn dydd Mawrth: Datganiad gan Ysgrifennydd y Cabinet dros Addysg: Diogelu'r Hawl i Addysg Addas i bob Plentyn (45 munud)

·         Cynhelir y Cyfnod Pleidleisio ar ôl yr eitem olaf o fusnes.

Dydd Mercher

·         Cynhelir y Cyfnod Pleidleisio cyn y Ddadl Fer.

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

Cododd Rhun ap Iorwerth y ffaith bod y Datganiad gan Ysgrifennydd y Cabinet dros Iechyd a Gwasanaethau Cymdeithasol ar Bwysau'r Gaeaf (45 munud) wedi cael ei ychwanegu at agenda'r Cyfarfod Llawn ar gyfer dydd Mawrth 13 Chwefror.  Teimlai y dylai'r pwnc fod yn destun dadl yn hytrach na datganiad, er mwyn i wrthbleidiau allu cyflwyno gwelliannau.  Dywedodd Arweinydd y Tŷ y byddai'n rhoi'r adborth i Ysgrifennydd y Cabinet dros Iechyd a Gwasanaethau Cymdeithasol, ond nododd iddi addo datganiad ar y mater yn ystod cwestiynau'r wythnos ddiwethaf ynghylch y Datganiad a Chyhoeddiad Busnes.

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 28 Chwefror 2018

·         Cwestiynau i Gomisiwn y Cynulliad (30 munud)

·         Amser a neilltuwyd i'r Ceidwadwyr Cymreig (60 munud)

·         Amser a neilltuwyd i Blaid Cymru (60 munud)

·         Amser a neilltuwyd i Blaid Cymru (60 munud)

Cytunodd y Rheolwyr Busnes i gais ar gyfer Dadl ar y ddeiseb yn galw ar Lywodraeth Cymru i wahardd yr arfer o ddefnyddio anifeiliaid gwyllt mewn syrcasau yng Nghymru, a gafodd 6,398 o lofnodion. 

Cytunodd y Rheolwyr Busnes i drafod y meysydd arfaethedig i'w diwygio gyda'u grwpiau.

O ran y cynnig am adolygiad ehangach o'r Rheolau Sefydlog, gofynnodd y Llywydd i'r Rheolwyr Busnes barhau i drafod y tu allan i'r pwyllgor.

Nododd y Rheolwyr Busnes y papur.

Cytunodd y Rheolwyr Busnes i ddychwelyd at y mater o ddefnyddio fformiwla d'Hondt ar gyfer aelodaeth pwyllgorau yn ogystal â datganiadau/dadleuon ar Raglen Ddeddfwriaethol Llywodraeth Cymru mewn pythefnos fel materion Rheolau Sefydlog sydd angen eu datrys yn y tymor byr.

Soniodd Arweinydd y Tŷ wrth y Rheolwyr Busnes yn dilyn ad-drefnu'r Cabinet yn ddiweddar fod ambell fater o orgyffwrdd neu anghysondeb rhwng portffolios y Gweinidogion a chylch gwaith y Pwyllgorau, fel y dangoswyd wrth graffu ar y gyllideb. Gofynnodd y Llywydd i'r ysgrifenyddiaeth archwilio unrhyw feysydd amlwg y gellid eu halinio'n hawdd, cyn cynnal trafodaeth yn Fforwm y Cadeiryddion o bosibl ar 7 Chwefror.