Agenda a Chofnodion
Lleoliad: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Sulafa Thomas, x8669
Rhif | Eitem |
---|---|
Cyflwyniad |
|
Cyflwyniad ac ymddiheuriadau Cofnodion: Cafwyd
ymddiheuriad gan Angela Burns AC. |
|
Datganiadau o fuddiant Cofnodion: Ni
chafwyd datganiadau o fuddiant. |
|
Cofnodion y Cyfarfod Blaenorol Papur 1 Cofnodion: Cytunwyd
ar gofnodion cyfarfod 5 Mawrth. |
|
Strategaeth Cyllideb Ddrafft 2016-17 Papur 2 Cofnodion: Ystyriodd y
Comisiynwyr bapur a oedd yn amlinellu'r dull gweithredu a'r opsiynau a awgrymir
ar gyfer Cyllideb 2016-17 y Comisiwn. Cytunwyd i ddefnyddio dull gweithredu cytbwys lle: bydd cyllideb
weithredu'r Comisiwn ar gyfer gwasanaethau'r Cynulliad yn adlewyrchu'r
newidiadau ym Mloc Cymru; bydd effaith ariannol penderfyniadau a wnaed gan y
Bwrdd Taliadau'n cael ei ariannu'n llawn; a bydd costau eithriadol sylweddol yn
parhau i gael eu trin ar wahân, felly ar gyfer 2016-17, bydd arian ar gyfer
gwariant yn ymwneud â'r etholiad a chostau diddymu. 2016-17 fydd blwyddyn gyntaf y Pumed Cynulliad, a theimlai'r Comisiynwyr
fod angen i ddull gweithredu strategaeth y gyllideb ddarparu digon o
hyblygrwydd er mwyn sicrhau bod gan y Comisiynwyr newydd y cwmpas ariannol i
fynd ar drywydd eu nodau a'u blaenoriaethau eu hunain pan fyddant yn cymryd y
swydd. Roedd y dull gweithredu y cytunodd y Comisiynwyr arno'n cynnwys
canolbwyntio cronfeydd y Comisiwn yn 2016-17 ar y meysydd canlynol: • Rhaglen o waith deddfwriaethol - ni ddisgwylir
i'r momentwm y tu ôl i'r llwyth gwaith deddfwriaethol presennol leihau ar ôl yr
etholiad. Disgwylir i faint y gweithgarwch deddfwriaethol barhau i fod yn uchel
neu hyd yn oed dyfu ymhellach wrth i ddeddfwriaeth a arweinir gan Aelodau
Cynulliad gael ei chyflwyno. Mae hyn yn newid o'i gymharu â dyddiau cynnar y
Pedwerydd Cynulliad, a bydd angen cefnogaeth. • Rhaglen datblygiad proffesiynol yr Aelodau i
fodloni anghenion aelodaeth newydd a newidiol.
Mae hyn yn adeiladu ar y rhaglen flaenorol gan ddarparu rhaglen gynefino
briodol a mynediad at hyfforddiant datblygiad proffesiynol parhaus ar gyfer
Aelodau. • Y gwaith cynllunio i gefnogi'r raddfa o newid
cyfansoddiadol a ragwelir, sy'n deillio'n arbennig o Fesur Cymru a
chyhoeddiadau Dydd Gŵyl Dewi. • Gwerth am arian - mae gan y Comisiwn hanes
cryf o ran darparu gwerth am arian er mwyn mynd ar drywydd ei nodau a'i
flaenoriaethau ehangach a byddwn yn awyddus i adeiladu ar hyn o ddechrau'r
Pumed Cynulliad. |
|
Sesiwn friffio ar yr adolygiad o’r Gwasanaeth Diogelwch Papur 3 Cofnodion: Roedd y Comisiynwyr wedi gofyn am adolygiad llawn o'r trefniadau diogelwch
sydd eisoes yn bodoli. Roeddent yn ystyried y strategaeth ddiogelwch, y cynnydd
gyda gwaith cyfredol, materion sy'n weddill a chynlluniau ar gyfer y dyfodol. Gofynnodd y Comisiynwyr am sicrwydd bod y trefniadau diogelwch yn briodol,
yn effeithiol ac yn ymateb i anghenion sy'n newid. Pwysleisiodd y Comisiynwyr y
pwysigrwydd bod ein trefniadau diogelwch yn cael eu defnyddio mewn modd
sensitif, o ystyried statws ystâd y Cynulliad fel adeiladau cyhoeddus agored a
chroesawgar. Tynnodd y Comisiynwyr sylw at arwyddocâd y rôl y mae angen i unigolion ei
chymryd o ran eu diogelwch eu hunain a phwysleisiwyd pa mor bwysig ydyw i holl
Aelodau'r Cynulliad, eu Staff Cymorth a staff y Comisiwn weld y cyflwyniad
'Stay safe'. |
|
Y wybodaeth ddiweddaraf ar lafar am y Pwyllgor Archwilio 20/04/15 Eitem lafar Cofnodion: Rhoddodd David Melding y wybodaeth diweddaraf i'r Comisiynwyr am gyfarfod
diweddaraf ACARAC. Cafodd tri adroddiad archwilio eu cyflwyno: • Adolygiad o benodi Cynghorwyr Arbenigol i
Bwyllgorau. Roedd yr argymhellion yn canolbwyntio
ar ddiweddaru canllawiau, dull clir i nodi ac ymdrin â gwrthdaro buddiannau a
gwerthusiad clir o berfformiad; • Gwerth
am arian. Nododd yr archwiliad fod gan
Gomisiwn y Cynulliad ddiwylliant Gwerth am Arian wedi'i ddatblygu'n dda, sydd
wedi'i sefydlu drwy'r sefydliad. Roedd
angen gwneud rhagor o waith o ran adnabod a chofnodi gweithgareddau Gwerth am
Arian heb fod yn ariannol. • Adolygiad o Drefniadau Rheoli Prosiectau
Comisiwn y Cynulliad. Roedd y pwyllgor
yn cefnogi'r dull gweithredu a ddefnyddir. •
Cymeradwyodd ACARAC y Siarter Archwilio Mewnol ar gyfer 2015-16 sy'n
diffinio diben, awdurdod a chyfrifoldeb Archwilio Mewnol yn ffurfiol. Roedd Gareth Watts (Pennaeth Archwilio Mewnol) wedi nodi ei fod wedi
cwblhau'n llwyddiannus pob gweithgaredd a gynlluniwyd ar gyfer rhaglen
Archwilio Mewnol 2014-15, a chymeradwyodd y Pwyllgor yr adroddiad blynyddol.
Bydd yn cael ei gyflwyno i'r Comisiwn gan Eric Gregory, Cadeirydd y Pwyllgor,
yng nghyfarfod mis Gorffennaf. Roedd y Pwyllgor wedi adolygu'r Gofrestr Risg Gorfforaethol ac wedi trafod
newid cyfansoddiadol, er mwyn sicrhau'n arbennig bod popeth posibl yn cael ei
wneud i ddylanwadu a bod yn barod ar gyfer newidiadau yn y dyfodol. Canmolodd y
Pwyllgor ddull gweithredu'r Comisiwn ac ansawdd y gwaith. Awgrymwyd ffynonellau pellach o her
annibynnol y bydd Anna Daniel yn archwilio iddynt. |
|
Unrhyw Fusnes Arall Cofnodion: Adroddodd David Melding yn ôl i'r Comisiwn ar yr ymweliad diweddar â Bosnia
Herzegovina, a oedd yn nodi 20 mlynedd ers y digwyddiadau yn Srebrenica.
Dywedodd y cynhelir digwyddiad yn y Senedd ar 8 Gorffennaf. Nododd y Llywydd fod digwyddiadau wythnos y Cynulliad yn Wrecsam wedi bod
yn llwyddiannus. Cynhelir cyfarfod nesaf y Comisiwn ar 21 Mai, pan fydd y Comisiynwyr yn
cynnal un o'u cyfarfodydd rheolaidd i ganolbwyntio ar berfformiad. |