Agenda a Chofnodion
Lleoliad: Swyddfa’r Llywydd, 4ydd llawr - Tŷ Hywel
Cyswllt: Sulafa Thomas, x8669
Rhif | Eitem |
---|---|
Cyflwyniad |
|
Cyflwyniad ac ymddiheuriadau Cofnodion: Roedd y Dirprwy
Lywydd wedi ymddiheuro. |
|
Datgan buddiannau Cofnodion: Nid oedd buddiannau i’w datgan. |
|
Cofnodion y cyfarfod blaenorol Dogfennau ategol: Cofnodion: Cytunwyd bod
cofnodion y cyfarfod a gynhaliwyd ar 29 Ionawr yn gywir. |
|
Y wybodaeth ddiweddaraf am ddiogelwch Papur i
ddilyn Cofnodion: Rhoddodd Simon Rees gyflwyniad ar ddiogelwch i’r Comisiwn
ac roedd tua 300 o staff y Cynulliad wedi’i weld yr wythnos gynt. Paratowyd
canllawiau ychwanegol i gyd-fynd â’r fideo a’r cyflwyniad. Roedd y Comisiynwyr
yn awyddus i sicrhau bod pawb a oedd yn gweithio yn ein hadeiladau’n cael gwybodaeth
ddigonol am y mater. Cadarnhawyd bod cynlluniau’n cael eu paratoi i’r Aelodau,
grwpiau plaid a staff cymorth weld y fideo a’r canllawiau cyn gynted â phosibl
dros yr wythnosau nesaf. Yn dilyn y cyfarfod ar 29 Ionawr, cafwyd rhagor o
wybodaeth gan Heddlu De Cymru am sicrhau diogelwch yr ystâd. Trafododd y
Comisiwn y rhain. Cytunodd y Comisiynwyr y dylid bwrw ymlaen â’r gwaith o
gryfhau diogelwch ar unwaith a chytunwyd ar gynllun cyfathrebu â’r heddlu. Gofynnodd y Comisiynwyr am bapur llawnach ar faterion
diogelwch, gan gynnwys archwilio cefndir unigolion, a chaiff hwn ei gyflwyno
yng nghyfarfod y Comisiwn ym mis Ebrill. |
|
Ymgysylltu â phobl Cymru Cofnodion: Ystyriodd y Comisiwn bapur yn rhoi’r wybodaeth
ddiweddaraf am weithgareddau ymgysylltu â cyhoedd. Roedd y Comisiynwyr yn cydnabod
bod cryn dipyn o waith yn mynd rhagddo ym mhob rhan o’r Comisiwn, er y byddai’n
anodd sicrhau bod y rhaglen weithgareddau uchelgeisiol yn cael ei chwblhau cyn
diwedd y Pedwerydd Cynulliad. Roedd y Comisiynwyr yn falch o glywed am
enghreifftiau o weithgareddau arloesol, fel y gwaith o hyrwyddo ein pwyllgorau,
sy’n destun cenfigen ymhlith cyrff seneddol eraill. Cytunwyd y dylai unrhyw
wybodaeth yn y cyswllt hwn yn y dyfodol gynnwys dadansoddiad manwl sy'n ategu’r
safbwynt hwn. Gan nodi bod y cyfryngau hyperleol a chymdeithasol yn
ddatblygiadau pwysig a’u bod yn rhan o becyn gyfathrebu ehangach i geisio
cyrraedd cynulleidfaoedd newydd a thraddodiadol, cytunodd y Comisiynwyr y dylai
eu hadroddiad blynyddol ddangos pa mor bellgyrhaeddol ac effeithiol oedd y
rhain a gweithgareddau ymgysylltu eraill.
Cytunodd y Comisiwn fod y cyfeiriad a’r blaenoriaethau
strategol a nodwyd ar gyfer y gwaith ymgysylltu yn briodol ac roeddent yn
fodlon â’r manylion a gafwyd yn y papur am y gweithgareddau y bwriadwyd eu cyflwyno
cyn diwedd y Pedwerydd Cynulliad. |
|
Unrhyw fater arall Cofnodion: Dim. Cynhelir cyfarfod nesaf
y Coimsiwn ddydd Iau, 5 Mawrth 2015, pan fydd y Comisiynwyr yn canolbwyntio ar
y paratoadau ar gyfer y Pumed Cynulliad. |