Agenda a Chofnodion
Lleoliad: Swyddfa’r Llywydd, 4ydd llawr - Tŷ Hywel. Cyfarwyddiadau
Cyswllt: Sulafa Thomas, x8669
Rhif | Eitem |
---|---|
Cyflwyniad |
|
Cyflwyniad ac ymddiheuriadau Cofnodion: Ni chafwyd unrhyw
ymddiheuriadau. |
|
Datganiadau o fuddiant Cofnodion: Ni chafwyd unrhyw ddatganiadau o fuddiant. |
|
Cofnodion y cyfarfod blaenorol Dogfennau ategol: Cofnodion: Cytunwyd ar
gofnodion y cyfarfod a gynhaliwyd ar 4 Rhagfyr.
|
|
Newid Cyfansoddiadol – Cyflwyniad i’r Ysgrifennydd Gwladol. Cofnodion: Yn y cyfarfod ar 17 Tachwedd, cytunodd y Comisiynwyr i
ysgrifennu at Ysgrifennydd Gwladol Cymru er mwyn llywio’r cytundeb
trawsbleidiol Dydd Gŵyl Dewi disgwyliedig a fyddai’n amlinellu dyfodol
setliad datganoli Cymru. Trafododd y
Comisiwn gwmpas a chynnwys adroddiad drafft ar y mater hwn, yn ogystal â
threfniadau ar gyfer rhannu’r adroddiad â rhanddeiliaid. Cytunodd y Comisiwn y dylid datganoli materion yn ymwneud
â maint y Cynulliad, a’i system etholiadol, i’r sefydliad ei hun, yn hytrach na
bod San Steffan yn deddfu arnynt.
Teimlai y dylid gwneud hyn cyn gynted â phosib. Trafododd y Comisiynwyr faint y Cynulliad
hefyd, a goblygiadau sawl cynnydd gwahanol ym maint y Cynulliad, yn enwedig y
goblygiadau ariannol. Cytunodd y Comisiwn bod yn rhaid cynyddu nifer yr Aelodau
etholedig yn y Cynulliad. Roedd ymresymiad y Comisiynwyr yn cael ei lywio gan
eu dymuniad i roi cyfle realistig i Aelodau graffu ar bolisïau, gweinyddiaeth,
gwariant a chynigion deddfwriaethol Llywodraeth Cymru mor gadarn ag y mae pobl
Cymru yn ei haeddu. Teimlent fod
canlyniadau ac effeithiau’r gwaith a wneir gan yr Aelodau yn arwyddocaol a’i
bod yn bwysig canolbwyntio yn eu hadroddiad ar ymdrin ag anghenion y
sefydliad. Roedd y Comisiwn yn cydnabod
bod costau yn gysylltiedig â democratiaeth, a nodwyd bod y ffigurau yn y papur
a gawsant yn dangos bod y gost, hyd yn oed gyda chynnydd yn nifer yr Aelodau,
yn parhau’n ganran fach iawn o floc Cymru; gofynwyd am i hyn gael ei bwysleisio
yn yr adroddiad. Trafododd y Comisiynwyr y ffaith bod y disgwyliadau ar
Aelodau heddiw, heb son am unrhyw estyniad i bwerau a chyfrifoldebau’r
Cynulliad, yn gwneud yr achos am fwy o Aelodau yn un cryf. Teimlent y byddai angen iddynt ystyried sut i
gynorthwyo Aelodau wrth ymgymryd â’u swyddi yn y cyfnod cyn cynyddu nifer yr
Aelodau. Cytunodd y Comisiwn y byddai’n cyhoeddi adroddiad yn
egluro themâu eu trafodaethau, ac ysgrifennu at yr Ysgrifennydd Gwladol, ac
arweinwyr grwpiau, yn amgáu copi o’r adroddiad.
Teimlai’r Comisiynwyr ei bod yn bwysig canolbwyntio yn eu hadroddiad ar
y ffeithiau a gwneud cyfraniad defnyddiol i’r ddadl gyfansoddiadol
gyfredol. Cytunwyd y byddai eu
hadroddiad ar gael i Aelodau, y cyfryngau a’r cyhoedd. |
|
Unrhyw fusnes arall Cofnodion: Rhoddodd y Comisiwn ei gymeradwyaeth ffurfiol i
benodiadau’r ymgeiswyr llwyddiannus yn y ddwy gystadleuaeth recriwtio ar gyfer
swyddi Cyfarwyddwr Busnes y Cynulliad a’r Cyfarwyddwr Cyllid. Bydd y cyfarfod nesaf ddydd Iau 29 Ionawr yn un o’r
cyfarfodydd rheolaidd sy’n canolbwyntio ar Berfformiad. Bydd y Comisiwn yn ystyried Adroddiad
Perfformiad Corfforaethol Ebrill-Rhagfyr 2014, yr Adroddiad Blynyddol ar ein
Strategaeth Reoli Carbon a’r Adroddiad Uchafbwyntiau diweddaraf. |