Agenda a Chofnodion

Gweld trawsgrifiad o’r cyfarfod.

1.1       Croesawodd y Cadeirydd yr Aelodau a'r cyhoedd i'r cyfarfod.

1.2       Cafwyd ymddiheuriadau gan Sandy Mewies. Roedd Christine Chapman yn dirprwyo ar ei rhan. Cafwyd ymddiheuriadau hefyd gan Jocelyn Davies.

Huw Vaughan Thomas – Archwilydd Cyffredinol Cymru

Dave Thomas – Cyfarwyddwr Iechyd a Gofal Cymdeithasol, Swyddfa Archwilio Cymru

Stephen Lisle – Arbenigwr Perfformiad, Swyddfa Archwilio Cymru

2.1 Cafodd y Pwyllgor sesiwn friffio gyda Huw Vaughan Thomas, Archwilydd Cyffredinol Cymru, ar adroddiad Swyddfa Archwilio Cymru, 'Gofal Heb ei Drefnu'. Daeth Dave Thomas a Stephen Lisle i'r cyfarfod gyda'r Archwilydd Cyffredinol. Yn ystod y sesiwn friffio, cafodd aelodau'r Pwyllgor gyfle i ofyn cwestiynau.

Cofnodion y cyfarfod a gynhaliwyd ar 24 Medi 2013

3.1 Nodwyd y papurau.

Eitemau 4, 5, 6, 7, 8 a 9

4.1 Derbyniwyd y cynnig.

5.1 Cytunodd y Pwyllgor i gynnal ymchwiliad i ofal heb ei drefnu. Yn benodol, cytunodd yr Aelodau i ganolbwyntio ar ofal sylfaenol lleol, gan gynnwys:

·       rôl meddygon teulu o ran darparu gofal heb ei drefnu

·       natur contractau meddygon teulu a'u heffaith ar ofal heb ei drefnu

·       darpariaeth y tu allan i oriau

·       y gwasanaeth '111'

·       y grwpiau sy'n defnyddio gwasanaethau gofal heb ei drefnu yn aml

·       cynlluniau ar gyfer darparu gofal heb ei drefnu mewn modd cynaliadwy yn y dyfodol

Cam i'w gymryd:

Y clercod, ynghŷd â Swyddfa Archwilio Cymru, i baratoi papur cwmpasu ar gyfer yr ymchwiliad.

PAC(4)-25-13 (papur 1)

PAC(4)-25-13 (papur 2)

6.1 Nododd yr Aelodau yr ohebiaeth a gafwyd gan y Llywodraeth, a chytunasant i ysgrifennu at y Llywodraeth, gan godi'r materion a ganlyn:

·       Seilwaith TG mewn perthynas ag e-ddysgu

·       Cyfranogiad mewn perthynas â phecynnau dysgu ar-lein

·       Gwastraff bwyd mewn ysbytai

·       Sut y mae sticeri sgorio hylendid bwyd yn cael eu harddangos mewn ysbytai

PAC(4)-25-13 (papur 3)

PAC(4)-25-13 (papur 4)

7.1 Mynegodd yr Aelodau siom ynghylch ymateb Llywodraeth Cymru, ond teimla'r Aelodau y byddai'n fuddiol rhannu'r ohebiaeth honno gyda'r Pwyllgor Cymunedau, Cydraddoldeb a Llywodraeth Leol.

PAC(4)-25-13 (papur 5)

PAC(4)-25-13 (papur 6)

8.1 Nododd yr Aelodau yr ohebiaeth a gafwyd gan y Llywodraeth, a chytunasant i ysgrifennu at y Llywodraeth, i ofyn am eglurhâd ynghylch y materion a ganlyn:

Y sail rhesymegol ar gyfer penderfynu pa ysgolion yng nghategori C sy'n cael eu dewis ar gyfer y buddsoddiad cyntaf o dan y rhaglen Ysgolion ar gyfer yr 21^ain Ganrif, a rhestr o'r ysgolion hyn

Diffiniad o'r term 'addas i'r diben'

Y dull a ddefnyddir i archwilio ysgolion am asbestos

PAC(4)-25-13 (papur 7)

PAC(4)-25-13 (papur 8)

9.1 Nododd yr Aelodau yr ohebiaeth a gafwyd gan y Llywodraeth. Dywedodd yr Archwilydd Cyffredinol wrth y Pwyllgor fod ei swyddfa yn bwriadu gwneud gwaith yn y maes hwn yn ystod y flwyddyn ariannol gyfredol.

PAC(4)-25-13 (papur 9)

10.1 Trafododd yr Aelodau yr adroddiad drafft a chytunasant y byddent yn cytuno ar fersiwn derfynol drwy gyfnewid negeseuon e-bost.