Agenda a Chofnodion

1.1        Ystyriodd y Pwyllgor ohebiaeth gan Archwilydd Cyffredinol Cymru ar gymhorthdal Llywodraeth Cymru i’r cyswllt awyr rhwng Ynys Môn a Chaerdydd.

1.2        Nododd y Pwyllgor fod Archwilydd Cyffredinol Cymru yn cynnal astudiaeth gwerth am arian ar gaffael Maes Awyr Rhyngwladol Caerdydd gan Lywodraeth Cymru.

1.3        Cytunodd Archwilydd Cyffredinol Cymru i baratoi nodyn briffio ar gymhorthdal Llywodraeth Cymru i’r cyswllt awyr rhwng Ynys Môn a Chaerdydd.

1.4        Cytunodd Archwilydd Cyffredinol Cymru i ddarparu nodyn yn amlinellu cwmpas ei ymchwiliadau i gaffael Maes Awyr Rhyngwladol Caerdydd gan Lywodraeth Cymru ac i’r cymhorthdal y mae’n ei roi i’r cyswllt awyr rhwng Ynys Môn a Chaerdydd.

2.1 Trafododd y Pwyllgor yr adolygiad o’r cymorth a roddir i’r Pwyllgor Cyfrifon Cyhoeddus.

3. 1 Cytunodd y Pwyllgor i wahodd Llywodraeth Cymru i ddarparu’r wybodaeth ddiweddaraf yn ysgrifenedig ac i ddod gerbron y Pwyllgor, er mwyn i’r Pwyllgor wneud gwaith craffu ar y mater o weithredu’r  argymhellion a wnaed mewn adroddiadau Pwyllgor ar:

·         Arlwyo a Maeth Cleifion mewn Ysbytai

·         Darlun o Wasanaethau Cyhoeddus

·         Buddsoddiad Cyfalaf mewn Ysgolion

4.1 Nododd y Pwyllgor ei raglen waith ar gyfer gweddill tymor y gwanwyn/yr haf 2013.

5.1 Gwnaeth y Pwyllgor sylwadau ar ei adroddiad drafft ar Reoli Grantiau yng Nghymru a chytunodd i ystyried fersiwn wedi ei ddiwygio drwy e-bost.

Trawsgrifiad o'r cyfarfod.