Agenda a Chofnodion

Gweld trawsgrifiad o'r cyfarfod.

1.1 Cafwyd ymddiheuriadau am absenoldeb gan Gwenda Thomas, Dafydd Elis-Thomas, Mick Antoniw a Rhun ap Iorwerth.

Lesley Griffiths, y Gweinidog Cymunedau a Threchu Tlodi

Kath Palmer, Dirprwy Gyfarwyddwr, Cartrefi a Lleoedd

Steffan Roberts, Rheolwr Adfywio, Cartrefi a Lleoedd

Neil Hemington, Pennaeth Cynllunio, y Gyfarwyddiaeth Gynllunio

2.1 Atebodd Lesley Griffiths, Y Gweinidog Cymunedau a Threchu Tlodi, Kath Palmer, Steffan Roberts a Neil Hemington gwestiynau gan Aelodau o’r Pwyllgor.

2.2 Cytunodd y Gweinidog i ddarparu gwybodaeth bellach am yr hyn a ganlyn:

·         Nodyn ar nifer yr ymwelwyr â Bargoed, yn dilyn gosod archfarchnad Morrisons yng nghanol y dref.

·         Gwybodaeth am y meini prawf a ddefnyddir i ddyrannu cyllid o’r gronfa trechu tlodi, Lleoedd Llewyrchus Llawn Addewid, ac eglurhad o ran sut mae’n cyd-fynd â’r polisi ‘canol trefi yn gyntaf’ gan gyfeirio’n benodol at yr enghraifft o’r cyllid a ddarperir ar gyfer Ynys y Bari.

·         Nodyn i egluro pam y mae’n ymddangos bod polisi ‘canol trefi yn gyntaf’ Llywodraeth Cymru dim ond yn cael ei roi ar waith yn sgil datblygiadau manwerthu heb ystyriaeth o leoliad swyddfeydd neu wasanaethau a staff awdurdodau lleol.

Andy Godfrey, Cadeirydd y Grŵp Cynghori ar Bolisi Llywodraeth Leol, Consortiwm Manwerthu Prydain a Rheolwr Polisi Cyhoeddus Boots

3.1 Atebodd Andy Godfrey gwestiynau gan Aelodau o’r Pwyllgor.

Russell Greenslade, Prif Weithredwr, Ardal Gwella Busnes Abertawe

Antonia Pompa, Cydlynydd, Ardal Gwella Busnes Merthyr Tudful

Ojay McDonald, Rheolwr Polisi, y Gymdeithas Rheoli Trefi a Dinasoedd

Rhiannon Kingsley, Rheolwr Canol y Dref, Cyngor Bwrdeistref Sirol Pen-y-bont ar Ogwr

4.1 Atebodd Russell Greenslade, Antonia Pompa, Ojay McDonald a Rhiannon Kingsley gwestiynau gan Aelodau o’r Pwyllgor.

4.2 Cytunodd Ojay McDonald i ddarparu copi o adroddiad y Gymdeithas Rheoli Trefi a Dinasoedd ar ei hymgynghoriad ar ardrethi busnes pan fydd yr ymgynghoriad wedi dod i ben.

4.3 Cytunodd Russell Greenslade i ddarparu gwybodaeth bellach am fanteision Ardaloedd Gwella Busnes a gweithgareddau Ardal Gwella Busnes Abertawe.

Adroddiad a ddarparwyd gan yr ATCM ar barcio mewn canol trefi

5.1.1 Nodwyd y papur gan y Pwyllgor.