Agenda a Chofnodion

1.1 Croesawodd y Cadeirydd bawb i’r Pwyllgor. Cafwyd ymddiheuriadau gan Dafydd Elis-Thomas; nid oedd neb yn dirprwyo.

·         Jeff Cuthbert AC, y Dirprwy Weinidog Sgiliau

·         Teresa Holdsworth - Dirprwy Gyfarwyddwr Is-adran Ymgysylltiad a Chyflogaeth Pobl Ifanc, Llywodraeth Cymru

·         Suzanne Chisholm - Pennaeth Cynorthwyo Pobl Ifanc, Llywodraeth Cymru

2.1 Estynnodd y Cadeirydd groeso i Jeff Cuthbert AC, y Dirprwy Weinidog Sgiliau, Llywodraeth Cymru, Teresa Holdsworth, Dirprwy Gyfarwyddwr Is-adran Ymgysylltiad a Chyflogaeth Pobl Ifanc, Llywodraeth Cymru a Suzanne Chisholm,  Pennaeth Cynorthwyo Pobl Ifanc, Llywodraeth Cymru. Bu’r Aelodau yn holi’r Dirprwy Weinidog ynghylch y cynnydd a wnaed ers i’r Pwyllgor Menter a Busnes gyhoeddi ei adroddiad ar bobl ifanc nad ydynt mewn addysg, cyflogaeth na hyfforddiant ym mis Hydref 2010.

Cytunodd y Dirprwy Weinidog Sgiliau i roi gwybodaeth a ffigurau manylach i’r Pwyllgor ynghylch faint o gynlluniau sy’n bodoli i fynd i’r afael â phobl ifanc nad ydynt mewn addysg, cyflogaeth na hyfforddiant.

3.1 Cynigodd y Cadeirydd gynnig o dan Reol Sefydlog 17.42 i benderfynu gwahardd y cyhoedd o weddill y cyfarfod.

3.2 Cytunodd y Pwyllgor ar y cynnig, a symudodd i sesiwn breifat.

4.1 Cytunodd y Pwyllgor ar yr adroddiad, yn amodol ar wneud rhai gwelliannau.

Gweld trawsgrifiad o'r cyfarfod.