Agenda a Chofnodion

Gweld trawsgrifiad o'r cyfarfod.

1.1 Croesawodd y Cadeirydd yr Aelodau a’r cyhoedd i’r cyfarfod.

Jane Hutt AC, y Gweinidog Cyllid a Busnes y Llywodraeth

Lesley Griffiths AC, y Gweinidog Cymunedau a Threchu Tlodi

Jo Salway, Dirprwy Gyfarwyddwr, Cyllidebu Strategol

Amelia John, Pennaeth yr Is-adran Dyfodol Tecach

2.1 Clywodd y Pwyllgor dystiolaeth gan:

Jane Hutt AC, y Gweinidog Cyllid a Busnes y Llywodraeth. 

Lesley Griffiths AC, y Gweinidog Cymunedau a Threchu Tlodi

2.2 Cytunodd y Gweinidog Cyllid a Busnes y Llywodraeth i ddarparu:

• cofnodion o bob cyfarfod blaenorol a gynhaliwyd gan Grŵp Ymgynghorol y Gyllideb ar gyfer Cydraddoldeb (BAGE);
• cofnodion eu cyfarfod a gynhelir yn fuan â BAGE, ar 23 Hydref, sydd i bwrpas trafod y gyllideb ddrafft.

Leighton Andrews AC, y Gweinidog Gwasanaethau Cyhoeddus

Reg Kilpatrick, Cyfarwyddwr, Llywodraeth Leol

Debra Carter - Dirprwy Gyfarwyddwr, Cyllid a Pherfformiad Llywodraeth Leol

3.1 Clywodd y Pwyllgor dystiolaeth gan Leighton Andrews AC, y Gweinidog Gwasanaethau Cyhoeddus.

3.2 Cytunodd y Gweinidog Gwasanaethau Cyhoeddus i ddarparu:

• rhestr o’r adnoddau a sefydlwyd i gefnogi meysydd gweithgarwch fel rhan o waith atal Llywodraeth Cymru o ran cynaliadwyedd a’r Gymraeg;
• nodyn ar sefyllfa Llywodraeth Cymru o ran y camau ataliol gorau ar gyfer targedu’r rhai sydd mewn perygl mwyaf o farwolaeth ac anafiadau mewn tân.

4.1 Derbyniodd y Pwyllgor y cynnig.

5.1 Trafododd y Pwyllgor y dystiolaeth.

6.1 Trafododd y Pwyllgor y materion allweddol sydd i’w cynnwys yn ei adroddiad.

Lesley Griffiths AC, y Gweinidog Cymunedau a Threchu Tlodi

Kate Cassidy, Cyfarwyddwr, Cymunedau a Threchu Tlodi

John Howells, Cyfarwyddwr Tai ac Adfywio

Peter Jones, Pennaeth Cyllid, Llywodraeth Leol a Chymunedau

7.1 Clywodd y Pwyllgor dystiolaeth gan Lesley Griffiths AC, y Gweinidog Cymunedau a Threchu Tlodi.

7.2 Cytunodd y Gweinidog Cymunedau a Threchu Tlodi i ddarparu:

• nodyn sy’n tynnu sylw at y 19-20 dangosydd perfformiad allweddol ar gyfer Cymunedau yn Gyntaf, gan gynnwys y canlyniadau ar gyfer y dangosyddion, ac ar gyfer y buddsoddiad Cymunedau yn Gyntaf. Bydd y nodyn hefyd yn egluro sut y mae’r Gweinidog yn strwythuro dangosyddion perfformiad allweddol, er gwybodaeth i’r Pwyllgor.             
• nodyn gydag enghreifftiau ac arddangosiadau penodol o sut y mae gweithgareddau Cymunedau yn Gyntaf yn gwella bywydau’r rhai sy’n gysylltiedig â’u gwaith;
• nodyn hefyd ar y cynllun Troi Tai’n Gartrefi, i ystyried cynnwys prynwyr tai sy’n bwriadu adnewyddu eiddo i fyw ynddynt eu hunain, yn hytrach nag i’w gosod neu i’w gwerthu;
• os yw ar gael, nodyn gwerthuso ar y cynllun marchnata a arweinir gan Undeb Credyd Gogledd Cymru, a oedd yn targedu pobl a oedd yn ennill incwm canolog i incwm uchel;
• ffigurau o ran y bobl sy’n cael dedfrydau o garchar o ganlyniad i ddyled.

Ken Skates AC, y Dirprwy Weinidog Diwylliant, Chwaraeon a Thwristiaeth

Huw Brodie, Cyfarwyddwr Diwylliant a Chwaraeon

Huw Davies, Pennaeth Cyllid, Diwylliant a Chwaraeon

8.1 Clywodd y Pwyllgor dystiolaeth gan Ken Skates AC, y Dirprwy Weinidog Diwylliant, Chwaraeon a Thwristiaeth.

8.2 Cytunodd y Dirprwy Weinidog i ddarparu:

• Nodyn ar y canlyniadau disgwyliedig a ddarparwyd i gyrff yn y llythyrau cylch gwaith blynyddol, a chynnydd y sefydliadau yn ôl y canlyniadau hyn;
• Nodyn ar y newidiadau i’r drefn gomisiynu ar gyfer Cyngor Llyfrau Cymru.

9.1 Nododd y Pwyllgor y papurau.

10.1 Derbyniodd y Pwyllgor y cynnig.

11.1 Trafododd y Pwyllgor y dystiolaeth.