Agenda a Chofnodion

1.1 Croesawodd y Cadeirydd bawb i’r cyfarfod. Cafwyd ymddiheuriadau gan Suzy Davies.

Carl Sargeant, y Gweinidog Llywodraeth Leol a Chymunedau
Karin Phillips, Dirprwy Gyfarwyddwr yr Is-adran Diogelwch Cymunedol.
Sarah Cooper, Pennaeth Cyfiawnder Ieuenctid

Egwyl (10:00 – 10:10)

2.1 Croesawodd y Cadeirydd y Gweinidog a’i swyddogion i’r cyfarfod. Holodd yr Aelodau y tystion.

2.2 Cytunodd y Gweinidog i ddarparu rhagor o wybodaeth am:

-        Y manylion ynghlych nifer y plant sydd yn y ddalfa yng Nghymru, gan gynnwys eu lleoliad a’u rhyw.  

-        A wariwyd yr holl arian yn y gronfa Diogelu Cymunedau yn ystod y flwyddyn ariannol ddiwethaf

-        Y gyllideb refeniw cyfiawnder ieuenctid

-        Cryfhau rôl y Comisiynydd Plant mewn perthynas â phlant o Gymru sydd yn y ddalfa yn Lloegr

-        Nifer yr unigolion yn y ddalfa sy’n cael dedfryd o garchar yn y diwedd

http://www.complantcymru.org.uk/uploads/publications/274.pdf

Keith Towler, Comisiynydd Plant Cymru

3.1 Croesawodd y Cadeirydd Keith Towler, Comisiynydd Plant Cymru, i’r cyfarfod.  Holodd yr Aelodau y Comisiynydd.

3.2 Cytunodd y Pwyllgor i ysgrifennu at y Gweinidog Iechyd a Gwasanaethau Cymdeithasol ynghylch y ffaith nad oes canllawiau o hyd ar gyfer asesu anghenion gofal iechyd plant.

3.3 Cytunodd y Pwyllgor i ysgrifennu at y Dirprwy Weinidog Plant a Gwasanaethau Cymdeithasol ynghylch cynnydd Llywodraeth Cymru o ran gweithredu argymhellion adroddiad y Pwyllgor Plant a Phobl Ifanc blaenorol ar gyllidebu ar gyfer plant; a’r oedi o ran cyflwyno cynllun gweithredu ar gyfer y Strategaeth Tlodi Plant.

Gweld trawsgrifiad o'r cyfarfod.