Cyfarfodydd

Cafodd y Comisiynwyr y wybodaeth gefndir, y gofynnwyd amdani yn eu cyfarfod ym mis Mai, am gynnwys y Cytundeb Lefel Gwasanaeth sydd ar waith rhwng y Comisiwn a Heddlu De Cymru, ac esboniad o sut mae’r Cytundeb wedi datblygu i ymateb i dirwedd risg sy’n newid.

Papur 4 – Gwelliannau Diogelwch Ffisegol (mynediad)

Rhoddwyd diweddariad i’r Comisiynwyr am ddatblygiad arfaethedig protocolau diogelwch, a materion sydd wedi codi’n ddiweddar mewn cysylltiad â diogelwch. Byddai gwybodaeth yn cael ei darparu i’r Comisiynwyr ei hystyried ac yna ei rhannu gyda’u grwpiau.

Trafododd y Comisiynwyr gynigion i wneud gwelliannau i wella trefniadau diogelwch yn y mannau mynediad cyhoeddus yn y Senedd a Thŷ Hywel, a chytunwyd arnynt, gan gynnwys hynny yn y gwaith o gynllunio’r gyllideb.

Trafododd y Comisiynwyr gynigion i wneud gwelliannau i'r diogelwch amddiffynnol mewn mannau mynediad cyhoeddus.

Y cynnig yw gwella diogelwch yr ystâd trwy ddarparu lefel briodol o ddiogelwch ac oedi ar y prif fynedfeydd cyhoeddus. Byddai'r cynigion yn addasu’r ddwy fynedfa.

Cytunodd y Comisiynwyr i ofyn am farn eu grwpiau ar y newidiadau posibl.

Cytunodd y Comisiynwyr na ddylid cyhoeddi'r papur.

Eitem lafar

Ar gais y Comisiynwyr, darparwyd diweddariad ar ddiogelwch ffisegol a seiber. Nododd y Comisiynwyr fod ymwybyddiaeth o risgiau a phrotocolau diogelwch yn agwedd bwysig ar fod yn ddiogel ac y dylai’r holl Aelodau a’u staff gael eu hannog i fanteisio ar y hyfforddiant ymwybyddiaeth o ddiogelwch sydd ar gael.

Trafododd y Comisiynwyr gynigion i osod system Teledu Cylch Cyfyng newydd ar Ystâd y Cynulliad, gan ofyn am ragor o wybodaeth i'w galluogi i wneud penderfyniad terfynol.

Ystyriodd y Comisiynwyr bapur a oedd yn nodi’r gofyniad i amnewid y system teledu cylch cyfyng.

Roedd y Comisiwn yn cefnogi’r angen i wneud y gwaith a chytunwyd y dylid cyflwyno achos busnes manwl iddynt ym mis Medi.

Papur 3

Roedd y Comisiynwyr wedi gofyn am adolygiad llawn o'r trefniadau diogelwch sydd eisoes yn bodoli. Roeddent yn ystyried y strategaeth ddiogelwch, y cynnydd gyda gwaith cyfredol, materion sy'n weddill a chynlluniau ar gyfer y dyfodol.

Gofynnodd y Comisiynwyr am sicrwydd bod y trefniadau diogelwch yn briodol, yn effeithiol ac yn ymateb i anghenion sy'n newid. Pwysleisiodd y Comisiynwyr y pwysigrwydd bod ein trefniadau diogelwch yn cael eu defnyddio mewn modd sensitif, o ystyried statws ystâd y Cynulliad fel adeiladau cyhoeddus agored a chroesawgar.

Tynnodd y Comisiynwyr sylw at arwyddocâd y rôl y mae angen i unigolion ei chymryd o ran eu diogelwch eu hunain a phwysleisiwyd pa mor bwysig ydyw i holl Aelodau'r Cynulliad, eu Staff Cymorth a staff y Comisiwn weld y cyflwyniad 'Stay safe'.

Rhoddodd Dave Tosh y wybodaeth ddiweddaraf am ddiogelwch gan gyfeirio at gwmpas y briff mwy sylweddol ym mis Ebrill.

Papur i ddilyn

Rhoddodd Simon Rees gyflwyniad ar ddiogelwch i’r Comisiwn ac roedd tua 300 o staff y Cynulliad wedi’i weld yr wythnos gynt. Paratowyd canllawiau ychwanegol i gyd-fynd â’r fideo a’r cyflwyniad. Roedd y Comisiynwyr yn awyddus i sicrhau bod pawb a oedd yn gweithio yn ein hadeiladau’n cael gwybodaeth ddigonol am y mater. Cadarnhawyd bod cynlluniau’n cael eu paratoi i’r Aelodau, grwpiau plaid a staff cymorth weld y fideo a’r canllawiau cyn gynted â phosibl dros yr wythnosau nesaf. 

Yn dilyn y cyfarfod ar 29 Ionawr, cafwyd rhagor o wybodaeth gan Heddlu De Cymru am sicrhau diogelwch yr ystâd. Trafododd y Comisiwn y rhain. Cytunodd y Comisiynwyr y dylid bwrw ymlaen â’r gwaith o gryfhau diogelwch ar unwaith a chytunwyd ar gynllun cyfathrebu â’r heddlu. 

Gofynnodd y Comisiynwyr am bapur llawnach ar faterion diogelwch, gan gynnwys archwilio cefndir unigolion, a chaiff hwn ei gyflwyno yng nghyfarfod y Comisiwn ym mis Ebrill.

Cafodd y Comisiwn sesiwn friffio diogelwch, a bydd yn ystyried amrywiaeth o opsiynau mewn cysylltiad â diogelwch ar y safle. Penderfynodd y Comisiynwyr drafod y mater eto yn ei gyfarfod ar 9 Chwefror.

Cyflwyniad

Yn sgil digwyddiadau diogelwch rhyngwladol diweddar, estynnodd y Bwrdd Rheoli groeso i gynrychiolwyr yr heddlu i drafod y lefel bresennol o fygythiad yn y DU a sut y gellir lliniaru unrhyw risg bosibl. Roedd hyn yn cynnwys rhoi’r wybodaeth angenrheidiol i staff er mwyn eu helpu i fod yn ddiogel pe bai digwyddiad yn codi, gan mai blaenoriaeth y Comisiwn yw diogelwch yr Aelodau a’r staff. Gwyliodd y Bwrdd fideo, ‘Stay Safe’ – canllaw yn llawn gwybodaeth a gaiff ei gynhyrchu gan y Swydddfa Gartref, am yr hyn y dylid ei wneud mewn ymosodiad â gynnau.

Er bod trefniadau diogelwch y Comisiwn eisoes yn dda, byddai’r Bwrdd Rheoli yn gweithredu ar gyngor arbenigol y tîm Diogelwch a’r Heddlu er mwyn parhau i sicrhau diogelwch yr Aelodau a’r staff. Cytunwyd y bydd y tîm Diogelwch ac aelodau o’r Bwrdd Rheoli yn llunio cynllun ar gyfer ymateb i ymosodiad â gynnau.

papur 5

Trafododd y Comisiwn faterion yn ymwneud â diogelwch yr ystâd.

Trafododd y Bwrdd Rheoli bapur drafft i'r Comisiynwyr ei ystyried yn eu cyfarfod ar 29 Medi, yn ymwneud â diogelwch yr ystâd.

Eitem lafar

Mae gan y Comisiwn Gytundeb Lefel Gwasanaeth gyda Heddlu De Cymru ac, o dan y cytundeb hwn, mae'n cael cefnogaeth sy'n cynnwys uned benodedig ar safle'r Cynulliad. Cafodd y Comisiynwyr gyflwyniad gan yr Arolygydd Ian Mackenzie ar yr amrywiaeth o wasanaethau a ddarperir o dan y cytundeb. 

Nid oedd unrhyw bapurau ar gyfer y cyfarfod hwn.