Cyfarfodydd

Croesawodd y Bwrdd Sarah Dafydd, y Rheolwr Newid a Gwella Busnes yn y Gwasanaeth Cyfieithu a Chofnodi, i drafod y Cynllun Ieithoedd Swyddogol newydd cyn ei gyflwyno i'r Comisiwn ar 23 Ionawr. Roedd y sefydliad wedi gwneud yn dda ers cyflwyno'r ddeddfwriaeth ac roedd y Cynllun newydd yn adeiladu ar y llwyddiannau hynny ac yn pennu llwybr i fod yn wirioneddol ddwyieithog erbyn 2021.

Cynhaliwyd ymgynghoriad, yn ôl y gofyniad yn y Ddeddf, gyda'r Aelodau, staff, Rhwydweithiau ac Ochr yr Undebau Llafur, a'r cyhoedd drwy'r wefan a chyda phartïon â diddordeb, ac roedd barn yr ymgyngoreion wedi helpu i lunio'r Cynllun drafft newydd. Yn gyffredinol, roedd y sylwadau yn gefnogol, gan gydnabod y cynnydd a wnaed hyd yma, er bod adborth gan y Gymdeithas wedi nodi nad oedd y Cynllun yn mynd yn ddigon pell. Y prif bryder a fynegwyd gan rai aelodau o staff oedd cyflwyno sgiliau iaith ar gyfer pob swydd newydd, gyda gofyniad yn ymwneud ag o leiaf cwrteisi ieithyddol sylfaenol. Ochr yn ochr â'r Cynllun, cafodd Asesiad o'r Effaith ar Gydraddoldeb ei baratoi i sicrhau nad oedd y cynnig yn peryglu ceisiadau swyddi gan bobl o gefndiroedd amrywiol. Gan ystyried yr adborth, roedd y Cynllun drafft yn cynrychioli cam i fyny o ran darparu gwasanaethau ac ymagwedd gytbwys tuag at gyflawni ein huchelgeisiau dwyieithog.

Y nod fyddai defnyddio'r cynlluniau iaith i weithio allan anghenion pob maes gwasanaeth mewn ffordd ddeallus a recriwtio yn unol â hynny, gan gyfateb lefel y cymhwysedd dwyieithog i'r gwasanaeth sydd ei angen. Byddai'r gofyniad ieithyddol sylfaenol yn cael ei sefydlu gyda swyddi newydd i ddechrau, ac yna'n cael ei ddatblygu gyda staff presennol. Byddai cefnogaeth lawn a dulliau amrywiol ar gyfer hyfforddiant ar gael er mwyn helpu staff i gyrraedd y lefel ofynnol.  Roedd tystiolaeth o brofiad sefydliadau eraill wedi'i hystyried wrth lunio'r cynlluniau. Cydnabuwyd ei bod yn dal i fod yn anodd dod o hyd i dechnoleg sy'n wirioneddol ddwyieithog.

Gofynnodd y Bwrdd Rheoli am geisio sicrwydd allanol ar yr Asesiad o'r Effaith ar Gydraddoldeb.

NDM5818 Rosemary Butler (Gorllewin Casnewydd)

Cynnig bod Cynulliad Cenedlaethol Cymru, yn unol â pharagraff 8(8) o Atodlen 2 o Ddeddf Llywodraeth Cymru 2006:

Yn nodi’r Adroddiad Cydymffurfio Blynyddol ar Gynllun Ieithoedd Swyddogol y Comisiwn y Cynulliad, a osodwyd gerbron Cynulliad Cenedlaethol Cymru ar 8 Gorffennaf 2015.

Dechreuodd yr eitem am 15.24

NDM5818 Rosemary Butler (Gorllewin Casnewydd)

Cynnig bod Cynulliad Cenedlaethol Cymru, yn unol â pharagraff 8(8) o Atodlen 2 o Ddeddf Llywodraeth Cymru 2006:

Yn nodi’r Adroddiad Cydymffurfio Blynyddol ar Gynllun Ieithoedd Swyddogol Comisiwn y Cynulliad, a osodwyd gerbron Cynulliad Cenedlaethol Cymru ar 8 Gorffennaf 2015.

Derbyniwyd y Cynnig yn unol â Rheol Sefydlog 12.36.

Cyflwynodd Mair Parry-Jones y Strategaeth Sgiliau Dwyieithog, a oedd yn un o ofynion y Cynllun Ieithoedd Swyddogol, er mwyn sicrhau bod y sgiliau dwyieithog priodol ar gael ar draws y  meysydd gwasanaeth i gefnogi gofynion y Cynllun. Roedd archwiliad sgiliau wedi cael ei baratoi i ddarganfod lefelau sgiliau iaith staff ac i lywio cynlluniau iaith pob maes gwasanaeth yn y dyfodol.  

Gofynnwyd i'r Bwrdd Rheoli adolygu a chymeradwyo'r Strategaeth a'r Archwiliad.  Roedd yn bwysig i'r Bwrdd lunio a llwyr gefnogi amcanion y Strategaeth. Byddai'r fersiynau terfynol yn cael eu cymeradwyo gan Gomisiynydd y Cynulliad sydd â chyfrifoldeb dros Ieithoedd Swyddogol.

Cytunodd y Bwrdd y dylai ffocws yr Archwiliad fod ar sgiliau'r iaith Gymraeg, gan gynnwys lefelau hyder unigolion i ddefnyddio'r sgiliau hynny. Byddai'r Archwiliad yn fater sensitif i rai staff ac, felly, roedd yn bwysig bod digon o sicrwydd o fewn yr arolwg ei hun yn ogystal â chynllun cyfathrebu clir wrth ei gyflwyno.  Argymhellodd y Bwrdd y dylid ei dreialu ymhellach er mwyn profi sampl o staff i sicrhau bod y data a ddychwelir yn ddefnyddiol.

Camau i’w cymryd: Mair Parry-Jones a Craig Stephenson i sicrhau eglurder a gwell llif ar gyfer amcanion y Strategaeth. Y ffurflen archwilio sgiliau i'w diwygio fel y trafodwyd gyda'r camau nesaf, cynllun cyfathrebu a fersiynau diwygiedig i'w hystyried ymhellach gan y Bwrdd Rheoli.

NDM5556 Rosemary Butler (Gorllewin Casnewydd)

Cynnig bod Cynulliad Cenedlaethol Cymru, yn unol â pharagraff 8 (8) o Atodlen 2 i Ddeddf Llywodraeth Cymru 2006:

Yn nodi'r Adroddiad Cydymffurfio Blynyddol ar Gynllun Ieithoedd Swyddogol Comisiwn y Cynulliad, a osodwyd gerbron Cynulliad Cenedlaethol Cymru ar 8 Gorffennaf 2014.

Dogfennau Ategol

Adroddiad Cydymffurfio Blynyddol ar Gynllun Ieithoedd Swyddogol Comisiwn y Cynulliad

Dechreuodd yr eitem am 15.53

NDM5556 Rosemary Butler (Gorllewin Casnewydd)

Cynnig bod Cynulliad Cenedlaethol Cymru, yn unol â pharagraff 8 (8) o Atodlen 2 i Ddeddf Llywodraeth Cymru 2006:

Yn nodi'r Adroddiad Cydymffurfio Blynyddol ar Gynllun Ieithoedd Swyddogol Comisiwn y Cynulliad, a osodwyd gerbron Cynulliad Cenedlaethol Cymru ar 8 Gorffennaf 2014.

Derbyniwyd y cynnig yn unol â Rheol Sefydlog 12.36.

papur 3

Yn unol â Deddf Cynulliad Cenedlaethol Cymru (Ieithoedd Swyddogol) 2012 mae'n ofynnol i'r Comisiwn lunio Cynllun Ieithoedd Swyddogol. Bob blwyddyn, mae'n rhaid i'r Comisiwn osod adroddiad gerbron y Cynulliad yn nodi sut y mae wedi rhoi'r Cynllun ar waith yn ystod y flwyddyn adrodd. Byddai'r adroddiad ar gyfer 2013-14 yn cael ei osod gerbron y Cynulliad i'w drafod ar 16 Gorffennaf.

Nododd y Comisiynwyr fod cynnydd da wedi'i wneud yn ystod y flwyddyn a chymeradwywyd y staff am eu cyflawniadau yn y meysydd hyn, gan gynnwys: 

-       lansio Microsoft Translator;

-       datblygu ffyrdd gwahanol o gefnogi'r Aelodau gyda'u gwaith pwyllgor;

-       hyfforddiant ymwybyddiaeth iaith i holl staff Comisiwn y Cynulliad;

-       y gwaith a wnaed gan gydgysylltwyr y Cynllun Ieithoedd Swyddogol ym mhob maes gwasanaeth; a

-       chymorth gwell ar gyfer gwaith achos etholaethol dwyieithog yr Aelodau.

Cytunwyd ar y blaenoriaethau ar gyfer y flwyddyn sydd i ddod i sicrhau arfer da ymhellach ym mhob rhan o'r sefydliad. Pwysleisiodd y Comisiynwyr bwysigrwydd y Cynllun yn cefnogi'r nod o wneud y Cynulliad yn sefydliad dwyieithog ac arwain y ffordd o ran datblygu gwasanaethau dwyieithog. Dylid rhannu arfer gorau pan fo'n bosibl fel y gall eraill ddysgu o brofiad y Cynulliad o gefnogi gweithlu dwyieithog.