GWEINIDOGION Y DU SY’N GWEITHIO MEWN MEYSYDD DATGANOLEDIG
54 – Rheoliadau’r Amgylchedd (Diwygio etc.) (Ymadael â’r UE) 2019 Dyddiad gosod yn Senedd y DU: 5 Rhagfyr 2018
Sifftio
A fydd angen sifftio yn Senedd y DU?	Nac oedd
Gweithdrefn:	Cadarnhaol
Dyddiad trafod gan Bwyllgor Offerynnau Statudol Ewropeaidd Tŷ’r Cyffredin	Dd/B
Dyddiad trafod gan Bwyllgor Craffu ar Is-deddfwriaeth Tŷ’r Arglwyddi	Dd/B
Dyddiad y daw’r cyfnod sifftio i ben yn Senedd y DU	Dd/B
Datganiad ysgrifenedig o dan Reol Sefydlog 30C:	Papur 24
Memorandwm Cydsyniad Offeryn Statudol o dan Reol Sefydlog 30A (oherwydd ei fod yn diwygio deddfwriaeth sylfaenol)	Papur 25
Gweithdrefn graffu
Canlyniad y broses sifftio	Dd/B
Y weithdrefn	Cadarnhaol
Dyddiad trafod gan y Cyd-bwyllgor ar Offerynnau Statudol	Ddim yn hysbys
Dyddiad trafod gan Bwyllgor Offerynnau Statudol Tŷ’r Cyffredin	Ddim yn hysbys
Dyddiad trafod gan Bwyllgor Craffu ar Is-deddfwriaeth Tŷ’r Arglwyddi	Ddim yn hysbys
Sylwadau Bwriedir i’r Rheoliadau hyn gael eu gwneud gan Lywodraeth y DU yn unol ag adran 8 o Ddeddf yr Undeb Ewropeaidd (Ymadael) 2018, a pharagraff 21 o Atodlen 7 i’r Ddeddf. Mae’r Rheoliadau hyn yn sicrhau bod deddfau amgylcheddol, trawsbynciol yn y Deyrnas Unedig yn gweithredu’n gyfreithiol ar ôl ymadawiad y DU â’r Undeb Ewropeaidd. Mae’n gwneud hyn mewn tair ffordd:      (1) drwy ddiwygio Deddfau amgylcheddol, trawsbynciol;      (2) drwy ddiwygio offerynnau statudol amgylcheddol, trawsbynciol; a      (3) thrwy atal rhai Rheoliadau a Phenderfyniadau amgylcheddol yr UE, sydd wedi dyddio           neu na fydd ganddynt ddim swyddogaeth bellach ar ôl i ni adael yr UE, gan gael eu dwyn i mewn i gyfraith y DU drwy weithrediad awtomatig Deddf yr UE (Ymadael) 2018 ("EUWA 2018"); ynghyd â gorchmynion dynodi domestig o ran Cymru a Lloegr sy’n ddiangen yng ngoleuni’r diwygiadau i Ddeddfau mewn mannau eraill yn yr offeryn. Mae’r Cynghorwyr Cyfreithiol yn gwneud y sylwadau a ganlyn mewn perthynas â datganiad Llywodraeth Cymru dyddiedig 10 Rhagfyr 2018 ynghylch effaith y Rheoliadau hyn: Mae datganiad Llywodraeth Cymru yn cyfeirio’n anghywir at y Rheoliadau hyn fel Rheoliadau’r Amgylchedd (Diwygio etc.) (Ymadael â’r UE) 2018, pan maen nhw mewn gwirionedd yn Rheoliadau’r Amgylchedd (Diwygio etc.) (Ymadael â’r UE) 2019. Mae’r crynodeb uchod a chynnwys y Memorandwm Esboniadol i’r Rheoliadau hyn yn cadarnhau eu heffaith. Nid yw’r Cynghorwyr Cyfreithiol wedi nodi unrhyw reswm cyfreithiol i geisio cynnig cydsyniad o dan Reol Sefydlog 30A.10 mewn perthynas â’r Rheoliadau hyn.