Ymgynghoriad ar y Bil Plant (Diddymu Amddiffyniad Cosb Resymol) (Cymru)

Tystiolaeth i’r Pwyllgor Plant, Pobl Ifanc ac Addysg ar gyfer Craffu Cyfnod 1 Bil Plant (Diddymu Amddiffyniad Cosb Resymol) (Cymru)

Evidence submitted to the Children, Young People and Education Committee for Stage 1 scrutiny of the Children (Abolition of Defence of Reasonable Punishment) (Wales) Bill

CADRP-150

CADRP-150

Cyflwynwyd yr ymateb hwn yn Gymraeg.

Amdanoch Chi

Unigolyn

1      Egwyddorion cyffredinol y Bil

1.1     A ydych yn cefnogi egwyddorion y Bil Plant (Diddymu Amddiffyniad Cosb Resymol) (Cymru)?

-       Nac ydw

1.2     Amlinellwch eich rhesymau dros eich ateb i gwestiwn 1.1

Mae'r drefn bresennol wedi gweithio'n effeithiol iawn dros y canrifoedd, gan roi'r lle canolog i rieni wrth fagu eu plant. Mae'n rhyfedd meddwl fod y wladwriaeth yn awr yn mynnu busnesa ym mywyd y teulu, gan fygwth troi rhieni'n droseddwyr petai'r rhieni'n teimlo fod yn rhaid rhoi smacen i'w plant yn achlysurol am reswm hollol ddilys. Y rhieni, nid y wladwriaeth, sy'n gwybod orau sut i fagu eu plant.

1.3     A ydych yn credu bod angen deddfwriaeth i gyflawni’r hyn y mae’r Bil hwn yn ceisio’i gyflawni?

Nac ydwyf.

2      Gweithredu’r Bil

2.1     A oes gennych unrhyw sylwadau am unrhyw rwystrau posibl rhag gweithredu’r Bil? Os na, ewch i gwestiwn 3.1

Mae'r heddlu, y llysoedd, a'r gweithwyr cymdeithasol dan ddigon o bwysau ar hyn o bryd gyda throseddwyr go iawn. Mae'n anhygoel meddwl y bydd yn rhaid iddynt hefyd drafod achosion rhieni sy'n caru eu plant ac yn dangos y cariad hwnnw trwy roi smacen achlysurol i'w plant mewn amgylchiadau arbennig.

2.2     A ydych yn credu bod y Bil yn ystyried y rhwystrau posibl hyn?

Nac ydwyf. Nid yw'r Bil yn cydnabod y gwahaniaeth syml rhwng bwrw rhywun am resymau cas a rhoi smacen i blentyn er mwyn ei helpu i ddysgu'r gwahaniaeth rhwng da a drwg. Mater o synnwyr cyffredin yw hwn.

3      Canlyniadau anfwriadol

3.1     A ydych yn credu bod unrhyw ganlyniadau anfwriadol yn deillio o’r Bil? Os na, ewch i gwestiwn 4.1

Fel y nodwyd, y perygl mawr yw troi rhieni cariadus yn 'droseddwyr' yng ngolwg y gyfraith. Ond mae canlyniadau amlwg eraill:

1.  Eto fel y nodwyd, mae'r Bil yn gosod llawer mwy o bwysau ar yr heddlu, y llysoedd, gweithwyr cymdeithasol, ac athrawon.

2.  Mae'r wladwriaeth yn tybio ei bod yn gwybod yn well na rhieni. Ni all hyn fod yn beth da, ond mewn amgylchiadau eithafol.

4      Goblygiadau ariannol

4.1     A oes gennych farn ar oblygiadau ariannol y Bil (fel y nodir yn Rhan 2 o’r Memorandwm Esboniadol)? Os na, ewch i gwestiwn 5.1

Mae'n amlwg y bydd goblygiadau ariannol, wrth i adnoddau prin yr heddlu, y llysoedd, a'r gweithwyr cymdeithasol gael eu dargyfeirio i erlyn rhieni'n ddiachos.

5      Ystyriaethau eraill

5.1     A oes gennych unrhyw bwyntiau eraill yr hoffech eu gwneud am y Bil hwn?

Gadewch i'r wladwriaeth fod yn wladwriaeth - a gadewch i rieni fod yn rhieni.