GWEINIDOGION Y DU SY'N GWEITHIO MEWN MEYSYDD DATGANOLEDIG 

 

 

78 - Rheoliadau Mewnforio a Masnachu Anifeiliaid a Chynhyrchion Anifeiliaid (Diwygio etc.) (Ymadael â'r UE) 2019

Gosodwyd yn Senedd y DU: 17 Ionawr 2019

Sifftio

A fydd angen eu sifftio yn Senedd y DU?

Na fydd

Gweithdrefn:

Cadarnhaol

Dyddiad trafod gan Bwyllgor Offerynnau Statudol Ewropeaidd Tŷ'r Cyffredin

Amh. 

Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi

21/01/2019

Dyddiad y daw'r cyfnod sifftio i ben yn Senedd y DU

Amh.

Datganiad ysgrifenedig o dan Reol Sefydlog 30C: 

Papur 12

Memorandwm Cydsyniad Offeryn Statudol o dan Reol Sefydlog 30A (oherwydd ei fod yn diwygio deddfwriaeth sylfaenol)

Ddim yn ofynnol 

Gweithdrefn graffu

Canlyniad y broses sifftio  

Amh. 

Y weithdrefn

Cadarnhaol

Dyddiad trafod gan y Cyd-bwyllgor ar Offerynnau Statudol

Ddim yn hysbys

Dyddiad trafod gan Bwyllgor Offerynnau Statudol Tŷ'r Cyffredin

Ddim yn hysbys

Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi

Ddim yn hysbys

Sylwadau

 

Bwriedir i'r Rheoliadau hyn gael eu gwneud gan Lywodraeth y DU yn unol ag adran 8(1) o Ddeddf yr Undeb Ewropeaidd (Ymadael) 2018, a pharagraff 7 o Atodlen 4 a pharagraff 21(b) o Atodlen 7 i Ddeddf yr Undeb Ewropeaidd (Ymadael) 2018.

 

Mae'r Rheoliadau hyn yn gwneud diwygiadau technegol i gyfres o Reoliadau a Phenderfyniadau'r Undeb Ewropeaidd sy'n ymwneud â mewnforio a chludo anifeiliaid byw, cynhyrchion sy'n dod o anifeiliaid, plasm cenhedlu a symud anifeiliaid anwes, ceffylau ac anifeiliaid syrcas.

Pwrpas y Rheoliadau yw mynd i'r afael â methiannau deddfwriaeth ddomestig a diffygion eraill sy'n deillio o ymadawiad y DU â'r UE. Mae'r Rheoliadau yn diwygio cyfeiriadau diangen at ddeddfau a systemau'r UE a fydd yn amherthnasol pan fydd y DU yn ymadael â'r UE, ac maent yn dirymu deddfau diangen yr UE ac yn trosglwyddo cyfres o swyddogaethau o'r Comisiwn Ewropeaidd i'r "awdurdod priodol" yn y DU, sy'n golygu, mewn perthynas â Chymru, Weinidogion Cymru neu (gyda chydsyniad Gweinidogion Cymru) yr Ysgrifennydd Gwladol.

Mae'r Rheoliadau'n gymwys ar draws y Deyrnas Unedig gyfan ac yn darparu fframwaith cyfreithiol sy'n ymwneud â mewnforio, symud a masnachu anifeiliaid a chynhyrchion anifeiliaid, ac yn cynnwys trefniadau ar gyfer awdurdodi busnesau, dogfennau teithio anifeiliaid anwes, tystysgrifau iechyd anifeiliaid ac iechyd cyhoeddus ac amodau cludiant. Mae'r Rheoliadau hefyd yn galluogi awdurdodau yn y DU i gymryd camau mewn achosion o ddiffyg cydymffurfio neu achosion o glefydau.

Dim ond os bydd senario ‘dim bargen’ y bydd y diwygiadau a wneir gan y Rheoliadau hyn yn dod i rym.

 

Mae'r Cynghorwyr Cyfreithiol yn gwneud y sylwadau a ganlyn mewn perthynas â datganiad Llywodraeth Cymru dyddiedig 21 Ionawr 2019 ynghylch effaith y Rheoliadau hyn:

  1. Mae'r Rheoliadau pwnc, yn Atodlen 2, yn dirymu “Commission Decision 2006/65/EC on certain protection measures in relation to intra-Community trade in poultry intended for restocking of wild game supplies”. Mae'n ymddangos bod cyfeirnod Penderfyniad y Comisiwn fel y'i nodir yn cynnwys gwall, ac y dylai ddarllen "2006/605 / EC ".

Mae'r datganiad gan Lywodraeth Cymru yn cyfeirio at y cyfeirnod anghywir yn ei restr o ddeddfwriaeth uniongyrchol yr UE a ddargedwir sy'n cael ei dirymu, ond mae hefyd yn cynnwys cyfeiriad dyblyg at Benderfyniad y Comisiwn hwn (gyda'r cyfeirnod cywir) yn yr adran o'r enw "Offerynnau Ewropeaidd sy'n Uniongyrchol Gymwys".

  1. Mae'r datganiad yn cadarnhau bod y diwygiadau yn y Rheoliadau hyn i gael eu gwneud "gan yr Ysgrifennydd Gwladol mewn cysylltiad â deddfwriaeth y DU neu Brydain Fawr y mae gan Weinidogion Cymru swyddogaethau gweithredol mewn perthynas â hwy ac mae testun y ddeddfwriaeth, sef symud anifeiliaid a mesurau iechyd ataliol sy'n ymwneud â symud anifeiliaid mewn cysylltiad â Chymru o fewn cymhwysedd deddfwriaethol y Cynulliad Cenedlaethol."

Fodd bynnag, nid yw'r datganiad yn nodi'r effaith y gallai'r Rheoliadau hyn ei chael ar gymhwysedd gweithredol Gweinidogion Cymru neu ar gymhwysedd deddfwriaethol y Cynulliad, fel sy'n ofynnol o dan Reol Sefydlog 30C.3(ii). Mae cynghorwyr cyfreithiol yn argymell y dylid ceisio eglurhad ynghylch pa bwerau datganoledig yr effeithir arnynt.

 

Mae’r crynodeb uchod a chynnwys y Memorandwm Esboniadol i’r Rheoliadau hyn yn cadarnhau eu heffaith.

Gan ei bod yn aneglur o ddatganiad Llywodraeth Cymru dyddiedig 21 Ionawer 2019 ba effaith y gall y Rheoliadau ei chael ar gymhwysedd deddfwriaethol y Cynulliad a/neu gymhwysedd gweithredol Gweinidogion Cymru, nid yw'r Cynghorwyr Cyfreithiol wedi gallu asesu a oes unrhyw faterion arwyddocaol yn codi o dan baragraff 8 y Memorandwm ar Fil yr Undeb Ewropeaidd (Ymadael) a Sefydlu Fframweithiau Cyffredin mewn perthynas â'r Rheoliadau hyn.