GWEINIDOGION Y DU SY'N GWEITHIO MEWN MEYSYDD DATGANOLEDIG
Rheoliadau Trwyddedu Amgylcheddol (Cymru a Lloegr) (Diwygio) (Ymadael â’r UE) 2018 Dyddiad gosod yn Senedd y DU:
Sifftio
A fydd angen eu sifftio yn Senedd y DU?	Ydy
Gweithdrefn:	Negyddol arfaethedig
Dyddiad trafod gan Bwyllgor Offerynnau Statudol Ewropeaidd Tŷ'r Cyffredin	11 Rhagfyr 2018
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Wythnos yn dechrau 10 Rhagfyr 2018
Y dyddiad y daw'r cyfnod sifftio i ben yn Senedd y DU	17 Rhagfyr 2018
Datganiad ysgrifenedig o dan Reol Sefydlog 30C:	Papur 39
Memorandwm Cydsyniad Offeryn Statudol o dan Reol Sefydlog 30A (oherwydd ei fod yn diwygio deddfwriaeth sylfaenol)	Nid yw'n ofynnol
Gweithdrefn graffu
Canlyniad y broses sifftio	Ddim yn hysbys
Y weithdrefn	Negyddol neu Gadarnhaol
Dyddiad trafod gan y Cyd-bwyllgor ar Offerynnau Statudol	Ddim yn hysbys
Dyddiad trafod gan Bwyllgor Offerynnau Statudol Tŷ'r Cyffredin	Ddim yn hysbys
Dyddiad trafod gan Bwyllgor Craffu ar Is-ddeddfwriaeth Tŷ'r Arglwyddi	Ddim yn hysbys
Sylwadau Bwriedir i'r Rheoliadau gael eu gwneud gan Lywodraeth y DU yn unol ag adran 8(1) a pharagraff 21 o Atodlen 7 i Ddeddf yr Undeb Ewropeaidd (Ymadael) 2018. Mae'r Rheoliadau hyn yn diwygio Rheoliadau Trwyddedu Amgylcheddol (Cymru a Lloegr) 2016 ("Rheoliadau 2016"). Sefydlodd Rheoliadau 2016 system drwyddedu a chydymffurfiad amgylcheddol drawsbynciol yng Nghymru a Lloegr, ac mae'n cynnwys fframwaith y gweithredir gofynion trwyddedu cyfres o Gyfarwyddebau'r UE, a rhywfaint o ddeddfwriaeth ddomestig yng Nghymru a Lloegr. Yn unol â hynny, mae Rheoliadau 2016 yn cynnwys nifer o gyfeiriadau at Gyfarwyddebau'r UE ac at rwymedigaethau'r DU fel Aelod-wladwriaeth, na fyddai'n gweithredu ar ôl i'r DU ymadael â'r Undeb Ewropeaidd. Mae'r Rheoliadau hyn yn mewnosod Atodlen 1A newydd yn Rheoliadau 2016, sy'n cynnwys addasiadau i Gyfarwyddebau'r UE a drosglwyddwyd gan Reoliadau 2016. Mae'r addasiadau hynny ond yn gymwys at ddibenion dehongli Rheoliadau 2016. Felly, effaith y Rheoliadau hyn yw cywiro diffygion yn Rheoliadau 2016 sy'n deillio o'r DU yn ymadael â'r Undeb Ewropeaidd. Nid yw'r Rheoliadau'n gweithredu polisi newydd. Mae'r Cynghorwyr Cyfreithiol yn cytuno â'r datganiad a osodwyd gan Lywodraeth Cymru dyddiedig 3 Rhagfyr 2018 ynghylch effaith y Rheoliadau hyn. Mae'r crynodeb uchod a chynnwys y Memorandwm Esboniadol i'r Rheoliadau hyn yn cadarnhau eu heffaith. Nid yw'r Cynghorwyr Cyfreithiol yn ystyried bod unrhyw faterion arwyddocaol yn codi o dan baragraff 8 y Memorandwm ar Fil yr Undeb Ewropeaidd (Ymadael) a Sefydlu Fframweithiau Cyffredin mewn perthynas â'r Rheoliadau hyn. Nid yw'r Cynghorwyr Cyfreithiol wedi nodi unrhyw reswm cyfreithiol i geisio cynnig cydsyniad o dan Reol Sefydlog 30A.10 mewn perthynas â'r Rheoliadau hyn.